Qazaqstanda jolaýshy poiyzdarynda órt qaýipsizdigin saqtaý boiynsha tekserýler kúsheitiledi, dep habarlaidy "Ult aqparat" QR IIDM baspasóz qyzmetine silteme jasap.
«Pákistannyń soltústik-shyǵysynda Pendjab provintsiiasynda bolǵan qaiǵyly oqiǵany eskere otyryp, QR IIDM Kólik komiteti Kóliktik baqylaý inspektsiialaryna QR Ishki ister ministrligi Tótenshe jaǵdailar komitetiniń qurylymdyq bólimshelerimen jáne »Qazaqstan temir joly «UK» AQ-men birlesip respýblika aýmaǵy boiynsha júretin barlyq jolaýshylar poiyzdarynda órt qaýipsizdigi talaptarynyń buzylýyna jol bermeý maqsatynda tekserý jumystaryn júrgizýdi ári kúsheitýdi tapsyrdy», delingen habarlamada .
Jalpy, jyl basynan beri aýmaqtyq kólikti baqylaý organdary jol boiynda 866 jolaýshy poiyzyn tekserdi, onyń ishinde 577 «Jolaýshylar tasymaly» AQ, 39 «Qala mańyndaǵy tasymal» AQ, 11 «Qala mańyndaǵy jergilikti atqarýshy organ», 111 TMD qalyptastyrý poiyzy jáne 132 «jeke tasymaldaýshylar».
Nátijesinde 5 136 jolaýshy tasymaldaý erejesin buzǵany anyqtaldy, onyń ishinde 38-i órt qaýipsizdigi boiynsha kemshilik.
«Jolaýshylar tasymaly» AQ-27; «Qala mańy tasymaly» AQ-4; «Qala mańyndaǵy jergilikti atqarýshy organ» - 1; «Jeke tasymaldaýshylar» - 6 (Maral Nýr-3 JShS, Nomadas-3 JShS) kemshilik anyqtalǵan.
Eske sal ketsek, 31 qazanda Pákistanda Karachiden Ravalpindige bara jatqan júrdek poiyz órtenip, 73 adam qaza tapty.
