Foto: Úkimet
Joǵary bilim berý júiesinde JI salasyndaǵy mamandardy daiarlaý úshin retteýshi model qurý aiaqtaldy. Ǵylym jáne joǵary bilim ministri Saiasat Nurbek Úkimet otyrysynda QS halyqaralyq agenttigimen birlesken zertteý qorytyndylary jáne oqytýdyń jańa standarttary týraly habarlady.
Onyń aitýynsha, búgingi tańda barlyq stýdentterdiń oqý josparyna, oqý beiinine qaramastan, JI pánderi engizilgen. Sonymen qatar biryńǵai JOO aralyq standart bekitildi, al Akademiialyq adaldyq ligasy bilim berýde JI paidalaný boiynsha nusqaýlyqty qabyldady.
Sondai-aq dissertatsiialardy daiyndaý kezinde jasandy intellektini qoldanýdy retteitin ǵylymi dárejelerdi berý qaǵidalaryna tolyqtyrýlar engizildi. Oqytýshylar úshin jasandy intellekt salasynda biliktiliktilikti mindetti túrde arttyrý engizildi. Barlyq joǵary oqý oryndary úshin jasandy intellektini qoldaný boiynsha KPI kórsetkishteri bekitildi.
«Osy áleýetti júzege asyrý úshin kadrlar daiarlaý maqsatynda biz qajetti normativtik-quqyqtyq bazany qalyptastyrdyq. Jasandy intellekt pánderi barlyq stýdentter úshin, mamandyǵyna qaramastan, mindetti bolyp engizildi», — dep atap ótti ministr.
