QR Indýstriia jáne infraqurylymdyq damý ministrliginde ministr Beibit Atamqulovtyń tóraǵalyq etýimen avtomobil joldary men eldi mekenderdegi kóshelerdiń sapasyna arnalǵan selektorlyq jiyn ótti, dep hababarlaidy "Ult aqparat".
QR IIDM málimetinshe, jergilikti mańyzy bar joldardyń jalpy uzyndyǵy – 71 myń shaqyrym, sonyń 25 paiyzy búginde qanaǵattanarlyqsyz jaǵdaida. 2025 jylǵa deiin jergilikti mańyzy bar joldardyń 27 myń shaqyrymyna jóndeý júrgizý kózdelgen. Bul joldardyń 95 paiyzyn normativti jaǵdaiǵa jetkizýge múmkindik beredi.
«Respýblikalyq buqaralyq aqparat quraldarynda jáne áleýmettik jelilerde qazaqstandyqtardyń jergilikti jelidegi joldardyń sapasyna qatysty jariialanymdary men pikirleri jiilep ketti. Atalǵan másele ministrliktiń jiti baqylaýynda. Osylaisha, QR IIDM Avtomobil joldary komiteti Jol aktivteriniń ulttyq sapa ortalyǵy júrgizgen tekseristerdiń nátijesi boiynsha 2020 jyly respýblikalyq jelide anyqtalǵan eskertýlerdiń 2 paiyzy túzetilmegen. Jergilikti jeli men eldi meken kósheleri boiynsha bul kórsetkish 25 paiyzdy qurady», - delingen vedomstvo habarlamasynda.
Aita keteiik, Qazaqstan Respýblikasyndaǵy jalpyǵa ortaq paidalanymdaǵy avtomobil joldary men eldi mekenderdegi kósheler jelisiniń uzyndyǵy 157 myń shaqyrymdy quraidy:
respýblikalyq mańyzy bar – 25 myń shaqyrym;
jergilikti mańyzy bar – 71 myń shaqyrym;
kóshe-jol jelisi – 61 myń shaqyrym.
2021 jyly jol-qurylys ári jóndeý jumystarymen respýblikalyq jáne jergilikti mańyzy bar avtomobil joldarynyń 6 myń shaqyrymy qamtylady.
