Qazaqstanda jemqorlardan tárkilengen aqsha mektep salýǵa jumsalady. Bul týraly Qasym-Jomart Toqaev halyqqa Joldaýynda aitty, - dep habarlaidy Tengrinews.kz tilshisi.
"Jemqorlar sottalǵanda, olardyń zańsyz tapqan qarjysy memleketke ótip, túgeldei mektep qurylysyna jumsalýǵa tiis. Úkimet osy bastamany zań turǵysynan rásimdeý týraly sheshim qabyldaýy kerek", - dedi Prezident.
Memleket basshysy orta bilim berý sapasy tabysty ult bolýdyń mańyzdy sharty ekenin atap ótti.
"Árbir oqýshynyń bilim alyp, jan-jaqty damýy úshin qolaily jaǵdai jasalýǵa tiis. Sol úshin "Jaily mektep" ulttyq jobasy qolǵa alyndy. Biz 2025 jylǵa deiin 800 myń balanyń zamanaýi mektepte oqýyna jaǵdai jasaimyz. Osylaisha, apatty jaǵdaidaǵy jáne úsh aýysymmen oqityn mektep máselesin tolyq sheshemiz", - dedi ol.
Prezidenttiń aitýynsha, bul aýyl jáne qala mektepteriniń aiyrmashylyǵyn edáýir azaitady.
"Jalpy, mektep salý Úkimet jáne ákimdikter úshin basty mindettiń biri bolýy kerek", - dedi ol.
