قازاقستاندا جەمقورلاردان تەركٸلەنگەن اقشا مەكتەپ سالۋعا جۇمسالادى. بۇل تۋرالى قاسىم-جومارت توقاەۆ حالىققا جولداۋىندا ايتتى, - دەپ حابارلايدى Tengrinews.kz تٸلشٸسٸ.
"جەمقورلار سوتتالعاندا, ولاردىڭ زاڭسىز تاپقان قارجىسى مەملەكەتكە ٶتٸپ, تٷگەلدەي مەكتەپ قۇرىلىسىنا جۇمسالۋعا تيٸس. ٷكٸمەت وسى باستامانى زاڭ تۇرعىسىنان رەسٸمدەۋ تۋرالى شەشٸم قابىلداۋى كەرەك", - دەدٸ پرەزيدەنت.
مەملەكەت باسشىسى ورتا بٸلٸم بەرۋ ساپاسى تابىستى ۇلت بولۋدىڭ ماڭىزدى شارتى ەكەنٸن اتاپ ٶتتٸ.
"ەربٸر وقۋشىنىڭ بٸلٸم الىپ, جان-جاقتى دامۋى ٷشٸن قولايلى جاعداي جاسالۋعا تيٸس. سول ٷشٸن "جايلى مەكتەپ" ۇلتتىق جوباسى قولعا الىندى. بٸز 2025 جىلعا دەيٸن 800 مىڭ بالانىڭ زاماناۋي مەكتەپتە وقۋىنا جاعداي جاسايمىز. وسىلايشا, اپاتتى جاعدايداعى جەنە ٷش اۋىسىممەن وقيتىن مەكتەپ مەسەلەسٸن تولىق شەشەمٸز", - دەدٸ ول.
پرەزيدەنتتٸڭ ايتۋىنشا, بۇل اۋىل جەنە قالا مەكتەپتەرٸنٸڭ ايىرماشىلىعىن ەدەۋٸر ازايتادى.
"جالپى, مەكتەپ سالۋ ٷكٸمەت جەنە ەكٸمدٸكتەر ٷشٸن باستى مٸندەتتٸڭ بٸرٸ بولۋى كەرەك", - دەدٸ ول.
