"Qazaqstan" RTRK" AQ Baspasóz qyzmeti Tokioda ótetin XXXII Jazǵy Olimpiada oiyndarynyń transliatsiiasyna qatysty jaǵdaidy túsindirdi, - dep habarlaidy "Ult aqparat".
"Tokio Olimpiadasynyń tikelei transliatsiialar quqyǵy Dentsu Inc. kompaniiasyna tiesili. "Qazaqstan" teleradiokorporatsiiasy men "Habar" agenttigi" AQ Qazaqstan, Qazsport, "Habar" telearnalary arqyly Jazǵy Olimpiadany el aýmaǵynda kórsetý boiynsha kelissózderdi 2019 jyly bastaǵan bolatyn. Taraptar ázirge ortaq kelisimge kele alǵan joq", - delingen málimdemede.
Al ekijaqty kelisimniń uzaqqa sozylý sebebi quqyq iesiniń litsenziia baǵasyn 2016 jáne 2018 jyldardaǵy Olimpiada oiyndarymen salystyrǵanda 123 paiyzǵa qymbatqa usynýy ekeni aitylady.
"Qazirgi kezde Qazaqstan, Qazsport, Habar telearnalary qazaqstandyq sportshylardy qoldaý jáne otandyq kórermenderge Olimpiadadan jedel aqparat usyný boiynsha jan-jaqty ázirlik jumystaryn júrgizýde. Telearnalardyń Ulttyq Olimpiada komiteti men sheteldik iri aqparat agenttikterinen foto-videomaterialdar alý múmkindigi qarastyrylǵan", - delingen málimdemede.
Osyǵan deiingi olimpiada oiyndaryn osy eki media bólisip kórsetip kelgen.
Tokio olimpiadasy 23 shilde – 8 tamyz arasynda ótedi. Bul jarysqa Qazaqstan 97 litsenziia alǵan.
