Qazaqstanda jasy 65-ten asqan 250 myń adam koronavirýsqa qarsy vaktsina aldy. Bul týraly QR Densaýlyq saqtaý birinshi vitse-ministri Marat Shoranov aitty, dep habarlaidy "Ult aqparat".
«Búginde elimizde dispanserlik naýqastar tobyna jatatyn adamdardyń ishinde sozylmaly aýrýlary bar naýqastardyń 4 paiyzǵa jýyǵy ǵana ekpe aldy. Qazir bul baǵytta óńirlermen jumys istep jatyrmyz. Atalǵan naýqastarda meditsinalyq qarsy kórsetilim bolmaǵan jaǵdaida vaktsinatsiialaý kerektigin túsindirdik», - dedi birinshi vitse-ministr Ortalyq kommýnikatsiialar qyzmetindegi baspasóz máslihaty barysynda.
Sonymen qatar ol elimizde jasy 65-ten asqan qansha adamnyń koronavirýsqa qarsy vaktsina alǵandyǵy týraly derekpen bólisti.
«Qazirgi ýaqytta jasy 65-ten astan 250 myńnan astam koronavirýsqa qarsy ekpe aldy. Bul jumys odan ary jalǵasady», - dedi Marat Shoranov.
