Foto ©️ Tengrinews.kz / Álihan Sariev
Ishki ister ministri Marat Ahmetjanov janjaldasqan otbasylar kóshe tazalap, jol salatynyn, al turmystyq zorlyq-zombylyq deregi zardap shekkenderdiń aryzynsyz da tirkeletinin aitty, - dep habarlaidy Tengrinews.kz.
"Ákimshilik jaza men eskertýdi qoǵamdyq jumystarmen aýystyrý máselesi pysyqtalyp jatyr. Bul kóshelerdi, qoǵamdyq aýmaqtardy tazartý, jol salý jáne jóndeý, qala aýmaqtaryn abattandyrý, sondai-aq basqa da qoǵamdyq paidaly jumystar", - dedi ministr.
Ministirdiń aitýynsha, jazanyń bul túri minez-qulyqty baqylaýǵa áserin tidiredi.
"Zańsyz áreketti qaitalap jasaǵan jaǵdaida taraptardyń tatýlasý rásimine qoiylatyn talaptardy qataitý josparlanyp otyr. Bul janjaldasqandar men basqa da tulǵalarǵa psihologiialyq qysym kórsetý tájiribesin toqtatýǵa múmkindik beredi", - dedi ministr.
Ministr turmystyq zorlyq-zombylyqty jábirlenýshilerdiń aryzynsyz tirkeýdi usyndy.
"Turmystyq quqyqbuzýshylyqtardy tirkeýdi anyqtaý sipatyna kóshý usynyldy. Bul politsiiaǵa jábirlenýshilerdiń shaǵymynsyz - turmystyq zorlyq-zombylyq deregi boiynsha ákimshilik quqyq buzýshylyq týraly isterdi qozǵaýǵa múmkindik beredi. Sonymen birge, túpkilikti quqyqtyq baǵany sot beredi, bul shara jazanyń bultartpastyǵy qaǵidatyn qamtamasyz etedi", - dep atap ótti Ahmetjanov.
Ol janjalǵa qatysýshylardy qamaýǵa alýǵa 5 táýlik, qaitalanatyn qylmystar úshin qamaýǵa alý merzimin 25 táýlikke deiin ulǵaitý josparlary týraly aitty.
