فوتو ©️ Tengrinews.kz / ەليحان ساريەۆ
ٸشكٸ ٸستەر مينيسترٸ مارات احمەتجانوۆ جانجالداسقان وتباسىلار كٶشە تازالاپ, جول سالاتىنىن, ال تۇرمىستىق زورلىق-زومبىلىق دەرەگٸ زارداپ شەككەندەردٸڭ ارىزىنسىز دا تٸركەلەتٸنٸن ايتتى, - دەپ حابارلايدى Tengrinews.kz.
"ەكٸمشٸلٸك جازا مەن ەسكەرتۋدٸ قوعامدىق جۇمىستارمەن اۋىستىرۋ مەسەلەسٸ پىسىقتالىپ جاتىر. بۇل كٶشەلەردٸ, قوعامدىق اۋماقتاردى تازارتۋ, جول سالۋ جەنە جٶندەۋ, قالا اۋماقتارىن اباتتاندىرۋ, سونداي-اق باسقا دا قوعامدىق پايدالى جۇمىستار", - دەدٸ مينيستر.
مينيستٸردٸڭ ايتۋىنشا, جازانىڭ بۇل تٷرٸ مٸنەز-قۇلىقتى باقىلاۋعا ەسەرٸن تيدٸرەدٸ.
"زاڭسىز ەرەكەتتٸ قايتالاپ جاساعان جاعدايدا تاراپتاردىڭ تاتۋلاسۋ رەسٸمٸنە قويىلاتىن تالاپتاردى قاتايتۋ جوسپارلانىپ وتىر. بۇل جانجالداسقاندار مەن باسقا دا تۇلعالارعا پسيحولوگييالىق قىسىم كٶرسەتۋ تەجٸريبەسٸن توقتاتۋعا مٷمكٸندٸك بەرەدٸ", - دەدٸ مينيستر.
مينيستر تۇرمىستىق زورلىق-زومبىلىقتى جەبٸرلەنۋشٸلەردٸڭ ارىزىنسىز تٸركەۋدٸ ۇسىندى.
"تۇرمىستىق قۇقىقبۇزۋشىلىقتاردى تٸركەۋدٸ انىقتاۋ سيپاتىنا كٶشۋ ۇسىنىلدى. بۇل پوليتسيياعا جەبٸرلەنۋشٸلەردٸڭ شاعىمىنسىز - تۇرمىستىق زورلىق-زومبىلىق دەرەگٸ بويىنشا ەكٸمشٸلٸك قۇقىق بۇزۋشىلىق تۋرالى ٸستەردٸ قوزعاۋعا مٷمكٸندٸك بەرەدٸ. سونىمەن بٸرگە, تٷپكٸلٸكتٸ قۇقىقتىق باعانى سوت بەرەدٸ, بۇل شارا جازانىڭ بۇلتارتپاستىعى قاعيداتىن قامتاماسىز ەتەدٸ", - دەپ اتاپ ٶتتٸ احمەتجانوۆ.
ول جانجالعا قاتىسۋشىلاردى قاماۋعا الۋعا 5 تەۋلٸك, قايتالاناتىن قىلمىستار ٷشٸن قاماۋعا الۋ مەرزٸمٸن 25 تەۋلٸككە دەيٸن ۇلعايتۋ جوسپارلارى تۋرالى ايتتى.
