Elimizde jańa jyl qarsańynda merekelik kesh-saýyq ótkizýge ruqsat bar ma? Úkimet úiinde tilshilerdiń bul suraǵyna Densaýlyq saqtaý ministri Aleksei Tsoi jaýap berdi, dep habarlaidy QazAqparat.
«Aldymen ár óńirdegi epidemiologiialyq jaǵdaiǵa bailanysty talap engiziledi, iaǵni qoǵamdyq jáne tamaqtaný oryndary men kontsert zaldarǵa qansha adamnyń kirýge bolatyndyǵy týraly. Ony sol óńirdiń memlekettik bas sanitar dárigeri anyqtaidy. Ruqsat berilgen jaǵdaida kópshilik baratyn qoǵamdyq orynnyń neshe adamǵa arnalǵany eskerilýi tiis. Sonymen qatar óńirdiń qai aimaqta ornalasyp turaǵany da mańyzdy. Koronavirýstyń taraýy boiynsha «jasyl», «sary» nemese «qyzyl» aimaq bar», - dedi Tsoi.
Sondai-aq, ministr ár oblystyń memlekettik bas sanitar dárigeri sol óńirdegi epidjaǵdaiǵa bailanysty jeke sheshim qabyldai alatynyn jetkizdi.
