14 shildede Energetika ministrliginiń «Munai ónimderiniń tizbesin bekitý týraly», sondai-aq «Munai ónimderin bólshek saýdada ótkizýge shekti baǵalardy belgileý týraly» buiryqtary kúshine endi, - dep habarlaidy "Ult aqparat" vedomstvo málimetine silteme jasap.
Buiryqtarǵa sáikes Qostanai jáne Soltústik Qazaqstan oblystarynda Ai-92 jáne Ai-93 markaly benzinniń shekti baǵasy litrine 187 teńgeni quraidy, Qazaqstannyń basqa oblystarynda baǵalar burynǵy 182 tg/litr deńgeiinde saqtalady. Eki oblysta baǵany túzetý - bólshek-saýda satýshylardyń munai ónimderin óndirýshi zaýyttardan alystyǵynan logistikalyq shyǵyndarmen bailanysty.
Sondai-aq munai ónimderi tizbesinen Ai-95 markaly benzinniń baǵasyn memlekettik retteý alynyp tastaldy, óitkeni Ai-95+ jáne joǵary ónimderdi óndirý kezinde qymbat turatyn importtyq qospalar men benzinderdiń joǵary oktandy komponentteriniń úlken shyǵyny talap etiledi. Importtyq qospalardyń baǵasy munai baǵalarymen jáne valiýta baǵamdarymen bailanysty.
"Buiryqqa sáikes dizel otynyna shekti baǵalar ózgermeidi jáne Qazaqstannyń barlyq óńirlerinde burynǵy deńgeide qalyp otyr: Aqmola, Aqtóbe, Shyǵys Qazaqstan, Batys Qazaqstan, Qostanai, Soltústik Qazaqstan oblystary boiynsha, sondai-aq Abai oblysynda baǵa litrine 260 teńgeni quraidy, al Nur-Sultan, Almaty qalalarynda, Shymkent, Almaty, Atyraý, Jambyl, Qaraǵandy, Qyzylorda, Pavlodar, Túrkistan, Mańǵystaý oblystarynda, sondai-aq Jetisý, Ulytaý oblystarynda – litrine 230 teńge.
Buiryq jobalary 2022 jylǵy 23 maýsymda «Ashyq NQA» saitynda 2022 jylǵy 8 shildege deiin onlain-talqylaý múmkindigimen jariialandy. Akkredittelgen saraptamalyq uiymdarmen kelisý kezeńinen ótti, sondai-aq Qoǵamdyq keńeste qaraldy" - delingen habarlamada.
Buiryqtar kúntizbelik 180 kúnge jaramdy bolady.
