Jańa uiymǵa venchýrlyq investitsiialar salasyndaǵy bilikti mamandar kiretin bolady, dep xabarlaidy QazAqparat tilshisi.
QR Aqparat jáne kommýnikatsiialar vitse-ministri Nurgúl Maýberlinovanyń aitýynsha, venchýrlyq qarjylandyrý salasyndaǵy zańnama qabyldanǵannan keiin bilikti mamandardy jinap, tájiribeni arttyrý qajet. Sol sebepti jańa uiymdy qurý týraly bastama kóterilip otyr.
"Aǵymdaǵy jyly shilde aiynda biz venchýrlyq qarjylandyrý týraly zańdy qabyldadyq. Endi, táýekelderi bar kelisimsharttar zańmen retteledi. Sonyń aiasynda barlyq taraptardyń quqyqtary qorǵalǵan. Aldaǵy ýaqytta Qazaqstanda alǵash ret venchýrlyq kapitalister qaýymdastyǵy ashylady", - dedi N.Maýberlinova Astanada ótken bapasóz máslixatynda.
Osy oraida vitse-ministr "Astana Hub" texnoparkiniń jumysyn erekshe atap ótti.
"Búginde Qazaqstan texnologiialyq ári innovatsiialyq kásipkerlikti damytýǵa den qoiyp otyr. Osyǵan orai, biyl "Astana Hub" texnoparki óz jumysyn bastady. Ol jerde startaptar úshin barlyq jaǵdai jasalǵan. Budan bólek, texnopark negizinde sheteldik jáne otandyq IT kompaniialardyń zertxanalaryn ashý sharalaryna erekshe kóńil bólinedi", - dep atap kórsetti N.Maýberlinova.
