Álemdegi avtomobil naryǵy kúrdeli qiyndyqtardy bastan keship otyr. Qazirgi kezde jartylai ótkizgishter tapshylyǵy saldarynan jańa jeńil avtokólikterdi satý ósiminiń qarqyny kúrt baialap, 2021 jylǵy segiz aidyń qorytyndysy boiynsha ótken jyldyń osyndai kezeńimen salystyrǵanda nebári 17,7 paiyzdy quraǵan. Salystyrmaly túrde biylǵy jyldyń birinshi jartyjyldyǵynyń qorytyndylary boiynsha jyldyq ósim 29,4 paiyz boldy, dep habarlaidy QazAqparat Energyprom.kz saityna silteme jasap.
Satý kórsetkishiniń tómendeýi Qazaqstan naryǵyna da kelgen: qyrkúiek aiynda eldiń dilerleri 10,5 myń jeńil kólik pen jeńil kommertsiialyq tehnikany satqan, bul bir jyl burynǵy kórsetkishten nebári 3,3 paiyz kóp. Qazaqstanda ázirge tek satylym ósimi baiaýlasa, álemde kólik satý kórsektishiniń kúrdeli tómendeýi atap ótilýde. Osylaisha, qyrkúiekte jańa avtomobilderdi satý kórsetkishi ótken jylmen salystyrǵanda birden 20,3 paiyzǵa qysqarǵan.
Avtomobil óndirisine qajetti jartylai ótkizgishter tapshylyǵynan basqa, búkil álemde jańa kólikter satylymynyń azaiýyna birqatar faktorlar áser etýde, bul logistikalyq problemalar, Ulybritaniia men Qytaidaǵy energetikalyq daǵdarys, shikizat baǵasynyń ósýi.
