Qazaqstanda jalaqy Reseige qaraǵanda aitarlyqtai qarqyndy ósip jatyr, al nesielik júkteme tómen deńgeide qaldy, - dep habarlaidy Tengrinews.kz tilshisi ranking.kz saityna silteme jasap.
Sarapshylar málimetinshe, Qazaqstanda 2021 jyldyń úshinshi toqsanynda ataýly ortasha ailyq jalaqy 19,3 paiyzǵa ósip, 243,7 myń teńge boldy. Reseide shilde-tamyzda ortasha jalaqy 53,8 myń rýbl (shamamen 310 myń teńge) boldy, bul bir jyl burynǵy kórsetkishten 9,7 paiyzǵa artyq. Qazaqstanda jalaqynyń naqty ósimi satyp alý qabilettiligin esepke alǵanda 9,8 paiyz, bul birinshi jartyjyldyq derekteri boiynsha satyp alý qabileti 3,4 paiyzǵa ósken Reseidegi nominal kórsetkishten joǵary.
Jalpy, keiingi jyldary Qazaqstanda jalaqynyń jáne sáikesinshe satyp alý qabiletiniń ósýi reseilik kórsetkishterden turaqty asyp tústi, bul da halyqtyń qaryz júktemesi deńgeiine áser etedi.
Biyl úshinshi toqsan qorytyndysy boiynsha Qazaqstanda halyqqa berilgen nesie kólemi 9,6 trillion teńgege jetti, onyń ishinde nesieniń 30,2 paiyzy ipoteka, 58,1 paiyzy tutyný nesiesi boldy. Bir qaryz alýshy boiynsha nesie somasy 1,09 million teńge boldy. Mundai nesieniń ortasha ailyq jalaqyǵa qatynasy - 4,47.
Kórshiles Reseide 2021 jyldyń dál osyndai úshinshi toqsanynyń qorytyndysy boiynsha halyqqa berilgen nesie 23,5 trillion rýbl jáne bir qaryz alýshyǵa orta eseppen 325,5 myń rýbl (iaǵni, 1,9 million teńgeden asady) boldy. Ortasha jalaqyǵa qatysty ortasha nesie kórsetkishi qazirdiń ózinde - 6,05.
