Qazaqstanda 1 qazanda Qarttar kúni atap ótiledi. Respýblikada jasy boiynsha 2 mln 236 myńnan astam zeinetker turady. Árbir azamattyń laiyqty qarttyǵyn qamtamasyz etý boiynsha qamqorlyq – Úkimettiń áleýmettik saiasatynyń negizgi mindetteriniń biri.
Memleket zeinetaqymen qamsyzdandyrýdy jetildirý boiynsha turaqty negizde sharalar qabyldaýda, dep habarlaidy Eńbek jáne halyqty áleýmettik qorǵaý ministrliginiń baspasóz qyzmeti.
Máselen, 2021 jylǵy 1 qańtardan bastap yntymaqty zeinetaqynyń mólsheri 7%-ǵa, bazalyq zeinetaqynyń mólsheri 5%-ǵa ósti.
2018 jylǵy 1 shildeden bastap bazalyq zeinetaqy mólsheri zeinetaqy júiesine qatysý ótiline qarai eń tómengi kúnkóris deńgeiiniń 54%-dan 100%-ǵa deiingi eńbek ótiline qarai saralanyp belgilenedi.
Qazirgi ýaqytta bazalyq zeinetaqynyń eń tómengi mólsheri 18,5 myń teńgeni, eń joǵary mólsheri – 39,3 myń teńgeni, al 2021 jylǵy 1 qyrkúiektegi jaǵdai boiynsha ortasha mólsheri – 31,1 myń teńgeni quraidy.
2021 jylǵy 1 qyrkúiektegi jaǵdai boiynsha yntymaqty zeinetaqynyń ortasha mólsheri 68,8 myń teńgeni, eń joǵary mólsheri – 100,6 myń teńgeni, eń tómengi mólsheri – 43,3 myń teńgeni quraidy.
Sonymen qatar, Nur Otan partiiasynyń «Ózgeris joly: árkimge laiyqty ómir!» sailaýaldy baǵdarlamasy aiasynda aǵymdaǵy jyly QR Eńbek jáne halyqty áleýmettik qorǵaý ministrligi (budan ári – Eńbekmini) Aǵa býyn azamattarynyń jaǵdaiyn jaqsartý jónindegi 2025 jylǵa deiingi «Belsendi uzaq ómir súrý» is – sharalar josparyn (budan ári – jospar) bekitti.
Jospardyń qabyldanýy egde jastaǵy azamattarǵa qoǵam ómiriniń túrli salalaryna qatysý múmkindigin keńeitýge, sondai-aq olardy sapaly memlekettik qoldaý sharalarymen qamtamasyz etýge múmkindik beredi. Jospardyń iske asyrylýyn baqylaýdy Eńbekmininiń jobalyq ofisi júzege asyrady.
«Josparǵa sáikes elimizdiń barlyq óńirlerinde belsendi uzaq ómir súrý ortalyqtaryn (budan ári – ortalyqtar) ashý kózdelgen. Mundai ortalyqtardyń qyzmeti egde jastaǵy belsendi azamattardyń sanyn kóbeitýge, olardyń ómir súrý sapasyn, ál-aýqatyn, densaýlyǵyn jáne psihoemotsionaldyq jaǵdaiyn jaqsartýǵa múmkindik beredi. Qazirgi ýaqytta elimizdiń 10 óńirinde: Almaty qalasynyń barlyq aýdandarynda (9 ortalyq), Nur-Sultan jáne Shymkent qalalarynda, sondai-aq Aqmola, Jambyl, Qaraǵandy, Qostanai, Aqtóbe, Túrkistan, Soltústik Qazaqstan oblystarynda21 ortalyq jumys isteidi», – dep habarlady Eńbekmininiń Áleýmettik kómek saiasatyn damytý departamentiniń direktory Asqar Niiazov.
Sonymen qatar, QR Tuńǵysh Prezidenti – Elbasynyń tapsyrmasy boiynsha «Qamqorlyq qory» korporativtik qory elimizdiń árbir óńirinde kommýnaldyq memlekettik mekeme nysanynda ortalyqtar ashýdy josparlap otyr.
«Ortalyqtardy jabdyqtarmen jabdyqtaý úshin «Samuryq – Qazyna» UÁQ 510 mln teńge (árbir ortalyqqa 30 mln teńge), «Qamqorlyq qory» qory mamandardy oqytý úshin 85 mln teńge (árbir ortalyqqa 5 mln teńge) somasynda qarajat bóledi», – dep tolyqtyrdy Asqar Niiazov.
Egde jastaǵy qazaqstandyqtardy áleýmettik qoldaýdyń taǵy bir mańyzdy baǵyty arnaýly áleýmettik qyzmetter (Budan ári – AÁQ) kórsetý bolyp tabylady.
Búgingi tańda 45 myńnan astam qart azamat AÁQ-men qamtyldy. Olarǵa 45 statsionarlyq úlgidegi uiymda (meditsinalyq-áleýmettik mekemelerde), 43 jartylai statsionarda (kúndiz bolý bólimsheleri jáne ońaltý ortalyqtary), sondai-aq 357 úide áleýmettik kómek kórsetý bólimshesinde, memlekettik áleýmettik tapsyrys sheńberinde 136 ÚEU-da jáne MJÁ sheńberinde 4 jeke uiymda qyzmet kórsetiledi.
«Áleýmettik qyzmet kórsetý mekemeleri 8 qyzmet túrin usynady: áleýmettik-ekonomikalyq, áleýmettik-quqyqtyq, áleýmettik-eńbek, áleýmettik-mádeni, áleýmettik-psihologiialyq, áleýmettik-pedagogikalyq, áleýmettik-meditsinalyq qyzmetter. Áleýmettik qyzmetkerler aptasyna keminde 2 ret úide áleýmettik kómek alatyn qart adamdarǵa barady jáne olarǵa týyndaǵan áleýmettik problemalaryn eńserýi úshin jaǵdailardy qamtamasyz etýge jáne olarǵa basqa azamattarmen teń dárejede qoǵam ómirine qatysý múmkindikterin qurýǵa baǵyttalǵan qyzmetter keshenin kórsetedi», – dedi Asqar Niiazov.
Jalpy, aǵymdaǵy jyldyń ishinde jergilikti biýdjetterdiń múmkindikterin eskere otyryp jáne biznestiń áleýmettik jaýapkershiligi aiasynda qart adamdardy áleýmettik qoldaýǵa 11,9 mlrd teńgeden astam qarajat baǵyttaldy (onyń ishinde jergilikti biýdjetten – 11,5 mlrd teńge, tartylǵan qarajat esebinen – 0,5 mlrd teńge), onyń ishinde:
- Uly Otan soǵysyndaǵy Jeńis kúnine birjolǵy materialdyq kómekke – 6,4 mlrd teńge (shamamen 115,8 myń adam);
- azyq-túlik jiyntyǵyn usynýǵa - 145,5 mln teńge (31,6 myń adam);
- jeńildikpen dári-dármekpen qamtamasyz etýge - 46,6 mln teńge (4 myń adam);
- tis protezdeýge - 229 mln teńge (2,5 myń adam);
- sanatorlyq-kýrorttyq emdeýdi usynýǵa – 1 mlrd 247,8 mln teńge (24,1 myń adam);
- turǵyn úidi jóndeýge – 39,9 mln teńge (517 adam);
- otynmen qamtamasyz etýge – 286,5 mln teńge (10,5 myń adam);;
- jalpy paidalanymdaǵy kólikte jeńildikpen jol júrýge – 878,0 mln. teńge (8 myń adam);
- kómektiń basqa túrlerine – 2 mlrd 667,8 mln teńge (182,5 myń adam).
1 qazanda Qazaqstanda Qarttar kúnine orailastyrylǵan ailyq bastalady. Oblystardyń, qalalar men aýdandardyń ákimderi, kásiporyndar men uiymdardyń basshylary aǵa býyn azamattaryn áleýmettik qoldaý jónindegi is-sharalardy, eńbek ujymdarynda kezdesýlerdi, ambýlatoriialyq-emhanalyq uiymdarda Ashyq esik kúnderin jáne basqa da sharalardy ótkizetin bolady.
