Foto: ashyq derekkóz
Májiliste Úkimettiń 2024 jylǵy respýblikalyq biýdjettiń atqarylýy týraly esebin talqylaý kezinde karjy ministri Mádi Takiev Memleket basshysynyń tapsyrmasy boiynsha bazalyq zeinetaqy mólsherin kezeń-kezeńimen arttyrý jalǵasyp jatqanyn habarlady, dep habarlaidy Ult.kz.
2024 jyldyń 1 qańtarynan bastap yntymaqty zeinetaqy mólsheri 9 %-ǵa indeksteldi. Máselen, 2024 jylǵy 1 qańtardan bastap yntymaqty zeinetaqy mólsheri 9%-ǵa indekstelgen, eń tómengi kúnkóris deńgeii 60% - dan 65%-ǵa deiin, al eń joǵary mólsheri 100%-dan 105%-ǵa deiin ulǵaidy. Tiisinshe, 2024 jyly jiyntyq zeinetaqynyń eń tómengi mólsheri – 86 068 teńgeni, al eń joǵary mólsheri – 197 873 teńgeni qurady.
Sonymen birge 2024 jylǵy 1 qańtardan bastap, memlekettik áleýmettik saqtandyrý qorynan tólenetin áleýmettik tólemderdiń mólsheri 7%-ǵa artty. Mysaly, eńbekke jaramsyz jáne asyraýshysynan aiyrylǵan 1 mln 382 myń adamǵa – 958,3 mlrd teńge, 541,2 myń múgedek adamǵa – 477,3 mlrd teńge jáne 1 mln 323 myń balaly otbasyǵa – 652,0 mlrd teńge somada tólemder berildi.
