Ǵaryshtyq monitoring nátijesinde Qazaqstanda zańsyz qoqys tastalǵan 2,5 myń aýmaq anyqtaldy. Bul týraly QR Ekologiia, geologiia jáne tabiǵi resýrstar ministri Maǵzum Myrzaǵaliev Úkimet otyrysynda aitty, dep habarlaidy "Ult aqparat".
«Túzilgen qatty turmystyq qaldyqtar kólemin aitarlyqtai qysqartý úshin zańnamalyq deńgeide «Waste to Energy» tetigi engizildi. Bul jerde qaldyqtardy jaǵý arqyly elektr energiiasyn óndirip, jańartylǵan energiia kózderi sekildi, ortaq elektr jelisine berý kózdelgen. Qoqys jaǵatyn zaýyt salý úshin 6 qala anyqtaldy. Biyl 14 mamyrda aýktsiondyq saýda-sattyqqa qatysýshylar tizilimine engizý úshin qujat qabyldaý bastaldy», - dedi Maǵzum Myrzaǵaliev búgingi Úkimet otyrysynda.
Onyń aitýynsha, turmystyq qaldyqtardy qabyldaityn jalpy sany 3300 poligon bar. Alaida, onyń 80-nen astam paiyzy ekologiialyq jáne sanitarlyq normalarǵa sáikes kelmeidi.
«Sonymen qatar, búgingi kúni ǵaryshtyq monitoring nátijeleri boiynsha zańsyz qoqys tastaityn eki jarym myń ýchaske anyqtaldy. Osyǵan bailanysty, Asqar Uzaqbaiuly, ákimdikter poligondardy sanitarlyq jáne ekologiialyq talaptarǵa sáikes keltirýdi jáne úsh ai merzimde ruqsat etilmegen qoqys oryndaryn joiýdy tapsyrýdy suraimyn», - dedi Ekologiia ministri.
