Qazaqstan Respýblikasyna shaqyrýlardy resimdeý jáne vizalardy berý Qaǵidalaryna ózgerister men tolyqtyrýlar engizildi, dep habarlaidy "Ult aqparat".
«Sheteldikter men azamattyǵy joq adamdardyń Qazaqstan Respýblikasyna kelýine shaqyrýlaryn resimdeý, shaqyrýlaryn kelisý, Qazaqstan Respýblikasynyń vizalaryn berý, kúshin joiý, qalpyna keltirý, sondai-aq olardyń qoldanylý merzimderin uzartý jáne qysqartý qaǵidalaryn bekitý týraly» QR Syrtqy ister ministriniń m.a. 2016 jylǵy 24 qarashadaǵy № 11-1-2/555 jáne QR Ishki ister ministriniń 2016 jylǵy 28 qarashadaǵy № 1100 birlesken buiryǵyna (budan ári - Qaǵidalar) engizilgen ózgerister men tolyqtyrýlarǵa bailanysty 2020 jylǵy 18 qyrkúiekten bastap:
- Qazaqstan Respýblikasynyń Ishki ister, Syrtqy ister ministrlikteri jáne shet elderdegi mekemeler kórsetetin memlekettik qyzmetterdi kórsetý tártibi (standarttar men reglamentter) aiqyndaldy;
Qazaqstan Respýblikasy Ishki ister ministrligi «Qazaqstan Respýblikasynyń vizalaryn berý boiynsha qabyldaýshy tulǵalardyń shaqyrýlaryn qabyldaý jáne kelisý», «Sheteldikter men azamattyǵy joq adamdardyń Qazaqstan Respýblikasyna kelý jáne Qazaqstan Respýblikasynan ketý quqyǵyna Qazaqstan Respýblikasynyń aýmaǵynda vizany berý, qalpyna keltirý jáne uzartý» memlekettik qyzmetterin kórsetedi;
Qazaqstan Respýblikasynyń Syrtqy ister ministrligi jáne shet elderdegi mekemeler «Qazaqstan Respýblikasyna kirýge jáne Qazaqstan Respýblikasynyń aýmaǵy arqyly tranzittik ótýge vizalar berý, olardyń merzimin uzartý» memlekettik qyzmetin kórsetedi.
Qazaqstannyń halyqaralyq áýejailarynda vizalardy berý ókilettigi QR Ishki ister ministrligine berildi;
- elektrondy viza berý tártibi normativti túrde bekitildi. Bir márteli iskerlik, týristik jáne emdelýge arnalǵan vizalardy elektrondyq formatta ala alatyn 109 elden turatyn tizim keńeitildi jáne bekitildi. QR Memlekettik shekarasynan ótý Qazaqstannyń barlyq halyqaralyq áýejailarynda júzege asyrylady;
- burynǵy otandastarǵa ótinish negizinde 3 (úsh) jylǵa deiingi merzimge jeke saparǵa arnalǵan kóp márteli vizalardy alýǵa quqyq beriledi;
- investorlar úshin vizalardyń qoldanylý merzimi 3 (úsh) jyldan 5 (bes) jylǵa deiin ulǵaityldy;
- «Qazaqstan Respýblikasynyń keibir konstitýtsiialyq zańdaryna ózgerister men tolyqtyrýlar engizý týraly» 2019 jylǵy 30 jeltoqsandaǵy QR Konstitýtsiialyq zańyn iske asyrý maqsatynda, «Astana» halyqaralyq qarjy ortalyǵynyń» investitsiialyq rezidentterine viza berý tártibi aiqyndaldy;
- biznes-kóship kelýshilerge shaqyrý resimdeý barysynda Qazaqstan Respýblikasy oblystarynyń, respýblikalyq mańyzy bar qalalardyń jáne astananyń jergilikti atqarýshy organdarynyń qoldaýhatyn kóshi-qon qyzmeti organdaryna usyný talaby alynyp tastaldy;
- Qazaqstannyń aýmaǵynda «V10» (jeke), «S3» (jumys) jáne «S9» (bilim berý) vizalarynyń sanattaryn «S2» sanatyndaǵy (otbasyn biriktirý) vizasyna aýystyrý múmkindigi qarastyrylǵan;
- Qazaqstannyń dini qyzmet salasyndaǵy ýákiletti organynyń jazbasha kelisimi bolǵan jaǵdaida, Qazaqstan Respýblikasynda missionerlik qyzmetti júzege asyratyn sheteldikterge «S7» sanatyndaǵy vizasyn uzartýǵa shekteý alynyp tastaldy (buǵan deiin QR aýmaǵynda bul vizanyń bir ret qana uzartylýyna jol berilgen).
