Qazaqstanda vaktsinatsiia qarqyny tómendedi. Bul týraly QR Densaýlyq saqtaý birinshi vitse-ministri Marat Shoranov aitty, dep habarlaidy "Ult aqparat".
«Sáýirde vaktsinatsiia qarqyny táýligine 100 myńnan asqan edi. Búginde bul tsifr táýligine 30 myńnan 60 myńǵa deiingi aralyqty quraidy. Degenmen, biz ministrliktiń birinshi kezektegi mindeti halyqtyń vaktsina alýy múmkindigin qamtamasyz etý ekendigin túsinemiz. Qazir halyqtyń vaktsina alýdaǵy belsendiligi tómendegeni baiqalady. Bul eń aldymen mamyrdaǵy merekelerdiń uzaqtyǵymen bailanysty bolǵan da shyǵar. Qalai degende de halyqtyń túsinistik pen belsendilik tanytatyndyǵyna úmit artamyz jáne óńirlerde meditsina qyzmetkerlerimen, emhanalarmen, biznespen aqparattyq túsindirý jumystaryn kúsheitemiz. Bul adamdardy keńinen qamtý, buǵan deiin jariia etken josparymyzdy oryndaý úshin jasalady», - dedi birinshi vitse-ministr Ortalyq kommýnikatsiialar qyzmetindegi baspasóz máslihaty barysynda.
Sonymen qatar ol emhanalarda vaktsinanyń keibir túrleriniń jetispeýshiligine qatysty máselege orai túsindirme berdi.
«Vaktsina alýǵa baratyn adamdarǵa biz birneshe márte qolda bar vaktsinany ektirýge keńes bergen edik», - dedi Marat Shoranov.
