QR Densaýlyq saqtaý ministrligi halyqty immýndaý jónindegi ulttyq konsýltativtik komissiiasynyń múshesi, meditsina ǵylymdarynyń doktory, professor Jannat Satybaldieva Qazaqstanda vaktsinalardy tekserýge erekshe mán beriletinin aitty, dep habarlaidy QazAqparat.
«Kóptegen elderde vaktsinalardy óndirýdi bastady, onyń ishinde Qazaqstan da kiristi. Qazir «Spýtnik V» vaktsinasy qazaqstandyq farmatsevtikalyq keshende shyǵarylyp jatyr. Bul zamanýi zaýyt GMP talaptaryna sáikes keledi, bul kezeginde tiisti óndiris tájiribesi bar degendi bildiredi», - dedi J. Satybaldieva vaktsina taqyrybyna arnalǵan onlain talqylaý barysynda.
Onyń aitýynsha, bul vaktsinanyń tehnologiialyq palatformasy erterekte qabyldandy, iaǵni osy platformaǵa 20 jylǵa jýyqtady. Ol biotehnologiialyq ádister kómegimen alyndy. «Spýtnik V» vaktsinasy synyń eki dozasyn alǵannan keiin, adam aǵzasynda erekshe qorǵanys immýniteti qalyptasady.
Sonymen qatar ǵalym Qazaqstan ǵalymdary synaqtan ótkizgen otandyq vaktsinaǵa toqtaldy.
«QazCovid-In nemese QazVac vaktsinasyna toqtalsaq, bul ekpede aitarlyqtai tanymal tehnologiialyq platforma eskerilgen. Bul klassikalyq tehnologiialyq protsedýra bolyp otyr. Onyń kómegimen koronavirýs infektsiiasy qozdyrǵyshynyń biologiialyq massasy shyǵady. Osy oraida hromotografiialyq airyqsha ádister arqyly kúrdeli baǵalaý júrgiziledi. Keiinnen dozalar pysyqtalyp, daiyn vaktsinany óndirýdiń birqatar rásimderi júrgiziledi», - dedi Jannat Satybaldieva.
«Bul vaktsinalardy tekserý protsedýrasy aitarlyqtai kúrdeli. Pandemiia jaǵdaiynyń ózinde Qazaqstan jappai paidalanýǵa ruqsat alardyń aldynda tyńǵylyqty tekserip keledi», - dedi ǵalym.
