قر دەنساۋلىق ساقتاۋ مينيسترلٸگٸ حالىقتى يممۋنداۋ جٶنٸندەگٸ ۇلتتىق كونسۋلتاتيۆتٸك كوميسسيياسىنىڭ مٷشەسٸ, مەديتسينا عىلىمدارىنىڭ دوكتورى, پروفەسسور جاننات ساتىبالديەۆا قازاقستاندا ۆاكتسينالاردى تەكسەرۋگە ەرەكشە مەن بەرٸلەتٸنٸن ايتتى, دەپ حابارلايدى قازاقپارات.
«كٶپتەگەن ەلدەردە ۆاكتسينالاردى ٶندٸرۋدٸ باستادى, ونىڭ ٸشٸندە قازاقستان دا كٸرٸستٸ. قازٸر «سپۋتنيك V» ۆاكتسيناسى قازاقستاندىق فارماتسەۆتيكالىق كەشەندە شىعارىلىپ جاتىر. بۇل زامانۋي زاۋىت GMP تالاپتارىنا سەيكەس كەلەدٸ, بۇل كەزەگٸندە تيٸستٸ ٶندٸرٸس تەجٸريبەسٸ بار دەگەندٸ بٸلدٸرەدٸ», - دەدٸ ج. ساتىبالديەۆا ۆاكتسينا تاقىرىبىنا ارنالعان ونلاين تالقىلاۋ بارىسىندا.
ونىڭ ايتۋىنشا, بۇل ۆاكتسينانىڭ تەحنولوگييالىق پالاتفورماسى ەرتەرەكتە قابىلداندى, ياعني وسى پلاتفورماعا 20 جىلعا جۋىقتادى. ول بيوتەحنولوگييالىق ەدٸستەر كٶمەگٸمەن الىندى. «سپۋتنيك V» ۆاكتسيناسى سىنىڭ ەكٸ دوزاسىن العاننان كەيٸن, ادام اعزاسىندا ەرەكشە قورعانىس يممۋنيتەتٸ قالىپتاسادى.
سونىمەن قاتار عالىم قازاقستان عالىمدارى سىناقتان ٶتكٸزگەن وتاندىق ۆاكتسيناعا توقتالدى.
«QazCovid-In نەمەسە QazVac ۆاكتسيناسىنا توقتالساق, بۇل ەكپەدە ايتارلىقتاي تانىمال تەحنولوگييالىق پلاتفورما ەسكەرٸلگەن. بۇل كلاسسيكالىق تەحنولوگييالىق پروتسەدۋرا بولىپ وتىر. ونىڭ كٶمەگٸمەن كوروناۆيرۋس ينفەكتسيياسى قوزدىرعىشىنىڭ بيولوگييالىق ماسساسى شىعادى. وسى ورايدا حروموتوگرافييالىق ايرىقشا ەدٸستەر ارقىلى كٷردەلٸ باعالاۋ جٷرگٸزٸلەدٸ. كەيٸننەن دوزالار پىسىقتالىپ, دايىن ۆاكتسينانى ٶندٸرۋدٸڭ بٸرقاتار رەسٸمدەرٸ جٷرگٸزٸلەدٸ», - دەدٸ جاننات ساتىبالديەۆا.
«بۇل ۆاكتسينالاردى تەكسەرۋ پروتسەدۋراسى ايتارلىقتاي كٷردەلٸ. پاندەمييا جاعدايىنىڭ ٶزٸندە قازاقستان جاپپاي پايدالانۋعا رۇقسات الاردىڭ الدىندا تىڭعىلىقتى تەكسەرٸپ كەلەدٸ», - دەدٸ عالىم.
