QR bas memlekettik sanitar dárigeriniń jańa qaýlysy boiynsha mindetti vaktsinalaý belgilengen uiymdardyń tizimi men ekpe júrgizý merzimi bekitildi, dep habarlaidy "Ult aqparat".
Qujatqa sáikes, koronavirýsqa qarsy vaktsina almaǵan qyzmetkerlerdiń jumysqa kelýine shekteý engiziledi.
Bul talap turaqty meditsinalyq qarsy kórsetilimderi bar, sońǵy úsh aida koronavirýspen aýyrǵan jumysshylarǵa qatysty emes.
Qaýlyda mindetti vaktsinanyń birinshi komponenti 2021 jyldyń 10 tamyzyna deiin, ekinshi komponenti 1 qyrkúiekke deiin egilýi kerek ekeni aitylǵan. Al qyzmetkerlerin tek vaktsina alǵan jaǵdaida ǵana shtattyq rejimde jumysqa shyǵaratyn mekemelerdiń tizimi mynadai:
1. Qyzmet kórsetý obektileri:
- Halyqqa qyzmet kórsetý ortalyqtary (HQKO), «Qazposhta» AQ bólimsheleri, ekinshi deńgeidegi bankter, qarjy naryǵynyń obektileri, saqtandyrý kompaniialary, jyljymaityn múlik jónindegi agenttikter, jarnama agenttikteri, aiyrbastaý pýnktteri, lombardtar, sulýlyq salondary, shashtarazdar, himiialyq tazalaý oryndary, kir jýý oryndary, fitnes, sport keshenderi, sporttyq-saýyqtyrý ortalyqtary, SPA jáne massaj salondary/ortalyqtary/kabinetteri, monshalar, saýnalar, basseinder, jaǵajailar, tipografiialyq kórsetiletin qyzmetter, tigin atelesi, fotosalondar, aiaq kiim sheberhanalary, gúl dúkenderiniń, aiaq kiim, kiim jóndeý, uiymdastyrý tehnikasyn jóndeý jónindegi servis, notariýs, býhgalter jáne konsalting, manikiýr jáne pedikiýr, kosmetologiialyq qyzmetterdi kórsetý jónindegi obektiler, ózge de obektiler.
2. Saýda obektileri:
- Saýda úileri, saýda jelileri, saýda-oiyn-saýyq ortalyqtary, dúkender, shaǵyn marketter, sýpermarketter, gipermarketter.
3. Mádeniet jáne demalys obektileri:
- Mýzeiler, mýzei-qoryqtar, kitaphanalar, kontserttik uiymdar, filarmoniialar, teatrlar, kinoteatrlar, kontsert zaldary, klýbtar, galereialar, kórmeler, tsirkter jáne basqa da mádeni-demalys uiymdary.
4. Qonaqúi qyzmeti:
- Qonaq úiler, otelder, hostelder, motelder, jataqhanalar, kempingter jáne taǵy basqalar.
5. Jolaýshylar tasymaly:
- Áýejailar, temirjol, avtomobil jáne sý vokzaldary, ózen jáne teńiz porttary, avtostantsiialar/avtoótpe joldary, jolaýshylarǵa qyzmet kórsetý pýnktteri.
6. Bilim berý jáne tárbieleý uiymdary:
- Mektepter men balabaqshalar, eresekter men balalarǵa arnalǵan oqý-óndiristik kombinattary, basqa da mektepten tys uiymdar.
7.Sanatorii-kýrorttyq jáne saýyqtyrý maqsatyndaǵy obektiler:
- Sanatoriler, demalys úileri /bazalary/ aimaqtary, profilaktoriiler, balalardyń saýyqtyrý lagerleri (mektep janyndaǵy, qala syrtyndaǵy), týristik bazalar jáne basqalar.
8. Qoǵamdyq tamaqtaný obektileri, onyń ishinde uiymdasqan ujymdarda ornalasqan, sondai-aq tamaq jetkizýdi júzege asyratyn obektiler, strit-fýdtar.
9. Barlyq úlgidegi meditsinalyq-áleýmettik obektiler: qarttar, múgedekter úileri, sábiler úileri jáne basqalary.
10. Densaýlyq saqtaý uiymdary: onyń ishinde zerthanalar,dárihana uiymdary.
11. Tirshilikti qamtamasyz etý jáne kommýnaldyq sharýashylyq obektileri:
- Sýmen jabdyqtaý, jylýmen jabdyqtaý, elektrmen jabdyqtaý, aýmaqtardy jinaý jáne qaldyqtardy shyǵarý, úi-jailar men aýmaqtardy dezinfektsiialyq óńdeý uiymdary, avariialyq-qutqarý qyzmetteri, páter ieleri kooperativteri jáne múlik ieleriniń birlestikteri.
11.Ekskýrsiialyq qyzmet kórsetetin uiymdar:
- Demalys obektileriniń, oiyn-saýyq oiyn obektileriniń (kompiýterlik klýbtar, biliard zaldary, boýlingter, oiyn-saýyq ortalyqtary/saiabaqtary, attraktsiondar, akvaparkter, karaoke, lotereia klýbtary jáne lotereia biletterin satý jónindegi ózge de pýnktter/núkteler jáne basqalar.
12. Bailanys jáne telekommýnikatsiia obektileri.
Atalmysh qaýly búginnen bastap kúshine endi.
