Premer-ministrdiń orynbasary Eraly Toǵjanov qazaqstandyqtarǵa Pfizer vaktsinasyn tegin salýǵa nege ruqsat etilgenin túsindirdi, - dep habarlaidy Tengrinews.kz tilshisi.
Úkimet otyrysynan keiin Toǵjanov Qazaqstanda 10 millionnan asa adam vaktsina alǵanyn aitty. Bul vaktsina saldyrǵandardyń 80 paiyzy jáne búkil halyqtyń shamamen 52 paiyzy bolady.
"Alǵashynda kóptegen ótinish tústi. Bul máselege kezeń-kezeńmen keldik. Birinshiden, bul qoǵamnyń arnaiy tobyna (Pfizer vaktsinasyn salý. - eskert.) júrgizildi. Olar - shetelge shyǵatyn kópbalaly analar. Olarǵa ruqsat berdik. Sonymen qatar, 60 jastan, sodan keiin 50 jastan asqandarǵa birtindep ruqsat berdik.
Qazaqstanda ujymdyq immýnitet tolyq qalyptasty. Osyǵan orai, bolashaqta ujymdyq immýnitetti saqtaý úshin qosymsha Pfizer salý týraly ótinishterdi eskerip, azamattarymyzǵa múmkindik berýdi sheshtik", - dedi Toǵjanov jýrnalisterdiń suraqtaryna jaýap berip.
