Ol qorytyndy kezeńde aýyl sharýashylyǵy kooperativterin engizý arqyly et, sút ónimderin qaita óńdeý jáne qosymsha jumys oryndaryn qurý jobasyn qorǵady.
Baiqaý jeńimpazyna "Úzdik aýyl ákimi" músinshesi beriledi.
Ekinshi oryndy Jambyl oblysynyń Jambyl aýdany Polatqosshy aýyldyq okrýginiń ákimi Erjan Danaev pen Túrkistan oblysy Tóle bi aýdanynyń Joǵarǵy Aqsý aýyldyq okrýginiń ákimi Ábdiqadir Sikimbaev ielendi.
Úshinshi orynǵa Pavlodar oblysy Jelezin aýdany Bashmachin aýyldyq okrýginiń ákimi Merýert Madaǵulova men Almaty oblysy Panfilov aýdany Aidarly aýyldyq okrýginiń ákimi Aidar Isaev ie boldy.
"Sonymen qatar, Qaraǵandy oblysy Aqtoǵai aýdany Tasaral aýyldyq okrýginiń ákimi Nurjan Seiitov - "Úzdik sharýashyl ákim", Aqmola oblysy Stepnogorsk qalasy Aqsý aýylynyń ákimi Marat Smaǵulov - "Ashyq ákim", Qyzylorda oblysy Jalaǵash aýdany Aqsý aýyldyq okrýginiń ákimi Qanat Nietqulov - "Úzdik áleýmettik joba" nominatsiiasyn ielendi" - dedi Erhan Tátken.
"Úzdik aýyl ákimi" baiqaýynyń maqsaty - aýyldyq jerlerdi damytýǵa eleýli úles qosatyn, sonymen qatar, belsendi jumys jasaityn, joǵary nátijelerge qol jetkizgen úzdik aýyl ákimderin anyqtaý, qoldaý.
Memlekettik qyzmet isteri agenttigi bul baiqaýdy "Rýhani jańǵyrý" baǵdarlamasy aiasynda ekinshi ret uiymdastyryp otyr.
Qazaqstannyń 100-den astam aýyldyq okrýginiń ákimi qatysýǵa ótinim berdi. Túrkistan oblysynan - 21, Batys Qazaqstannan - 15 jáne Jambyl oblysynan 14 ákim ótinim berip, olar eń belsendi dep tanyldy.
