Qazaqstanda uialy bailanys bir jylda 4,3 paiyzǵa qymbattaǵan. Bul týraly Ranking.kz sarapshylarynyń zertteýinde aitylady.
Sarapshylardyń málimetinshe, tórt aida uialy bailanys operatorlary 73,1 milliard teńgege qyzmet kórsetken.
"Uialy bailanysqa qyzmet kórsetý kóleminiń ósýi abonentter sanynyń ósýimen bailanysty. Biyl kóktemde úsh iri uialy bailanys operatorynyń ekeýi - Tele-2 men Beeline ózderiniń qyzmetteriniń tarifterin 10 paiyzǵa deiin kóterdi. Operatorlar abonentterine qyzmet baǵasy qymbattaityny jaily jáne mobildik internet-paketterdiń abonenttik tólemi ósetinin habarlaǵan", - deidi sarapshylar.
Sondai-aq, 2018 jyldyń sáýir aiyndaǵy jaǵdai boiynsha, uialy bailanys abonentteriniń sany 26, 5 millionǵa jetkeni aitylady. Sarapshylardyń aitýynsha, byltyr bul kórsetkish 25,4 million bolǵan. Olardyń jartysynan kóbi (50,5 paiyzy) Internetke qosylǵan.
