Foto: ashyq derekkóz
Memleket basshysynyń ataýly áleýmettik kómekke kóshý jónindegi tapsyrmasy sheńberinde Qazaqstanda baǵalardy baqylaýdy kúsheitýge jáne halyqtyń áleýmettik osal toptaryna qoldaý kórsetýge baǵyttalǵan sharalar iske asyrylýda, dep habarlaidy Ult.kz.
«Biz áleýmettik mańyzy bar azyq-túlik taýarlaryna 15% saýda ústemesin baqylaýdy kúsheitýge kóshemiz. Sonymen qatar, tiimdi basqarý sheshimderin qabyldaýǵa múmkindik beretin ÁMAT baǵasyn taldaý modýli iske asyrylýda», - dep atap ótti saýda jáne integratsiia ministri Arman Shakqaliev.
Sonymen qatar ataýly áleýmettik kómek alýshylarǵa azyq-túlik vaýcherlerin usyný boiynsha pilottyq joba iske qosylýda. Vaýchermen áleýmettik mańyzy bar azyq-túlik taýarlardy saýda ústemesiz baǵasyna satyp alýǵa múmkindik beredi. Pilottyq jobany Aqkól, Kókshetaý jáne Pavlodar qalalarynda 5 myńǵa jýyq AÁK alýshylardyń qatysýymen ótkizý josparlanýda.
