Sýret: KazTAG
E-Petition.kz resmi portalynda jariialanǵan ýtilalym aqysyna qatysty petitsiia qaita qaralýǵa qajetti qoldy jinady, dep habarlaidy "Ult aqparat" Mádeniet ministrligine silteme jasap.
QR Mádeniet jáne aqparat ministrliginiń resmi saitynda habarlanǵandai, QR ÁRPK-niń 90-4-babyna sáikes, 50 000 qol jinalǵan petitsiia QR Ónerkásip jáne qurylys ministrliginiń qaraýyna joldandy. QR ÁRPK-niń 90-5-babyna sai, kelip túsken ótinish ony tirkegen sátten bastap 40 jumys kúnine deiingi merzim ishinde qaralady.
"Petitsiiany qaraý barysynda QR Ónerkásip jáne qurylys ministrligi Komissiianyń jumysyn uiymdastyrady, oǵan múddeli taraptardyń, memlekettik organdar men qoǵamdyq birlestikterdiń ókilderi kiredi. Petitsiiada kóteriletin máseleler osy komissiia sheńberinde, zańnamada belgilengen tártippen qaralady", - dep túsindirdi Mádeniet ministrligi.
Aita keteiik, ýtilalymǵa qarsy petitsiia E-Petition.kz portalynda jariialanǵan. Osy ýaqytqa deiin petitsiiaǵa 50 125 adam qol qoiǵan. Petitsiia avtorlary 8 jyl buryn ýtilalymdy engizý básekelestiktiń joiylýyna jáne sonyń saldarynan avtokólikterdiń, aýyl sharýashylyǵy tehnikalarynyń jáne arnaiy tehnikalardyń baǵasynyń kúrt ósýine ákeldi dep esepteidi.
"Avtokólik pen mehanikalandyrýǵa qatysty barlyq nárseniń baǵasy ósti: júk tasymaldaý, mehanikalandyrý jáne qoǵamdyq kólik qyzmetteri, azyq-túlik, halyq tutynatyn taýarlar, turǵyn úi quny jáne taǵy basqalar qoljetimsiz baǵaǵa bailanysty Qazaqstan azamattary ózderiniń jeke kólikterin jańartýdy toqtatty, eldegi kólikter parki qatty eskirdi", - delingen petitsiiada.
Nátijesinde, petitsiia avtorlarynyń talap etetinderi:
- - Ekologiia ministrligine jeńil avtomobilderge (M1 sanaty) kádege ýtilalymnyń mólsherlemesin 100 myń teńgege deiin, avtokóliktiń qalǵan sanattaryna 0 teńgege deiin tómendetý týraly, Aýyl sharýashylyǵy tehnikasyna ýtilalymnyń tolyq kúshin joiý týraly hattar engizý;
- - Ulttyq ekonomika jáne qarjy ministrlikterine avtokólikti bastapqy tirkegeni úshin mólsherlemelerdi 0,25 AEK-ke deiin tómendetýdi engizý.
Aita keteiik, buǵan deiin Májilis depýtattary da kólikterdi ýtilalym jáne bastapqy tirkeý baǵasyn tómendetýdi usynǵan bolatyn. Olar elimizdiń kólik parkiniń eskire bastaǵanyn – basqa elderden avtokólikterdi ákelý kezindegi joǵary kedendik baj salyǵy satyp alýshy úshin túpkilikti baǵanyń ósýine ákeletinin atap ótti.
