Nur-Sultan, Almaty men Shymkent qalasy ákimdikteriniń quzyreti keńeitiledi. Bul týraly Ulttyq ekonomika ministrliginiń baspasóz qyzmeti habarlady.
2019 jylǵy 27 jeltoqsanda Memleket basshysy Qasym-Jomart Toqaev «Qazaqstan Respýblikasynyń keibir zańnamalyq aktilerine Qazaqstan Respýblikasynyń ákimshilik-aýmaqtyq qurylysy, memlekettik basqarý júiesin jáne biýdjetaralyq qatynastardy jetildirý, kreditteý jáne bilim berý máseleleri boiynsha ózgerister men tolyqtyrýlar engizý týraly» Zańǵa qol qoidy.
Zań sheńberinde Nur-Sultan, Almaty men Shymkent qalalary ákimdikteriniń, onyń ishinde basqarylatyn ýrbanizatsiia sheńberinde qala qurylysy saiasaty, kólik infraqurylymy, sáýlet kelbeti salasyndaǵy quzyretin keńeitý boiynsha túzetýler engizildi.
«6 zańǵa (Qazaqstan Respýblikasyndaǵy jergilikti memlekettik basqarý jáne ózin-ózi basqarý týraly», «Qazaqstan Respýblikasy astanasynyń mártebesi týraly», «Almaty qalasynyń erekshe mártebesi týraly», «Qazaqstan Respýblikasynyń Sáýlet, qala qurylysy jáne qurylys qyzmeti týraly», «Turǵyn úi qatynastary týraly», «Memlekettik múlik týraly» zańdar) ózgerister men tolyqtyrýlar engizilgen. Bular respýblikalyq mańyzy bar qalalar men astanany damytýdyń ózekti máselelerin sheshýge múmkindik beretin aitylǵan qalalardyń tirshiligin qamtamasyz etý men damytýdaǵy jekelegen máselelerdi retteý boiynsha ózgedei tártipti ornatýǵa baǵyttalǵan» , - delingen ministrlik taratqan habarlamada.
