Qaraǵandylyq politseiler Úndistan azamatyn urlap áketkenderdi ustady, - dep habarlaidy Polisia.kz.
Qaraǵandy politsiiasyna Úndistannyń 27 jastaǵy azamaty aryzben shaǵymdanyp, belgisiz bireýler kúshtep avtokólikke otyrǵyzyp, Astana qalasyna alyp ketkeni týraly habarlaǵan. Elordada shetel azamatyn páterge aparyp, qorqytyp, kúsh qoldanyp, bosatý úshin 200 myń AQSh dollaryn talap etken.
"Qaraǵandy oblystyq Politsiia departamenti Uiymdasqan qylmysqa qarsy kúres basqarmasynyń qyzmetkerlerimen júrgizilgen arnaiy jedel-izdestirý is-sharalary barysynda Astana qalasyndaǵy jaldamaly páterlerdiń biri anyqtalyp, ol jerden bopsalaý, adamdy urlap áketý kúdigimen jastary 26 men 34 jas aralyqtaryndaǵy tórt ózbekstandyq azamat ustaldy. Qazirgi ýaqytta adam urlaý, zańsyz bas bostandyǵynan aiyrý jáne bopsalaý baptarymen sotaldy tergeý amaldary júrgizilip jatyr", – dedi Qaraǵandy oblystyq Politsiia departamenti bastyǵynyń orynbasary Ábil Ábildin.
