QR Ulttyq bankiniń tóraǵasy Erbolat Dosaev ulttyq tólem júiesiniń tehnikalyq daiyndyǵy týraly aityp berdi, dep habarlaidy QazAqparat.
«Biylǵy qazanda Memleket basshysynyń tapsyrmasyn oryndaý úshin Ulttyq bank Ulttyq tólem júiesiniń tehnikalyq daiyndyǵyn qamtamasyz etti. Bankaralyq tólem kartochkalary júiesi (BTKJ) sheńberinde kartochkalyq tranzaktsiialardy óńdeý boiynsha infraqurylym quryldy. Qazirgi ýaqytta bul júieni Visa, Mastercard, Union Pay halyqaralyq tólem júielerimen integratsiialaý jumysy júrip jatyr», - dedi E. Dosaev Úkimet otyrysynda.
Spikerdiń aitýynsha, qazir naqty ýaqyt rejiminde jeke tólemder men aqsha aýdarymdaryn júrgizýge arnalǵan Mezettik tólemder júiesiniń platformasy jańartyldy.
«Ulttyq tólem júiesiniń komponentteri 2021 jylǵy qarasha-jeltoqsanda pilottyq rejimde iske qosylady», - dedi Dosaev.
