Prezident Qasym-Jomart Toqaev Ulttyq qoǵamdyq senim keńesin qurýdy kózdep otyr, dep habarlaidy QazAqparat tilshisi.
«Men Ulttyq qoǵamdyq senim keńesin qurý jón dep sheshtim. Onyń quramyna barlyq birlestik ókilderi men jastar enedi. Ulttyq qoǵamdyq senim keńesiniń alǵashqy otyrysy osy jyldyń tamyz aiynda ótedi. Bilik halyqqa bergen barlyq ýádesin oryndaýy tiis», - dedi Qasym-Jomart Toqaev elordadaǵy ulyqtaý rásiminde.
Memleket basshysy biliktiń osy rettegi basty missiiasyn atady.
«Tek osylai ǵana ulttyń birligin, eldegi turaqtylyqty saqtap qalýǵa bolady. Sol sebepti, meniń sailaýaldy platformam josparly túrde júzege asyralady. Osy qujatqa halyqtan túsken úzdik ideialar men usynystar engiziledi», - dedi ol.
Aita ketsek, búgin elordada jańadan sailanǵan QR Prezidenti Qasym-Jomart Toqaevty ulyqtaý rásimi ótti. Sharaǵa Úkimet músheleri, Parlament depýtattary, Konstitýtsiialyq Keńes músheleri, Joǵarǵy Sot sýdialary, Qazaqstanda tirkelgen diplomatiialyq korpýs ókilderi jáne basqa da shaqyrylǵan qonaqtar qatysty.
Táýelsizdik saraiynda Qasym-Jomart Toqaev Qazaqstan halqyna ant berdi. Ant bergen sátten bastap jańadan sailanǵan Prezident resmi qyzmetine kirisken bolyp sanalady.
