Elimizde ulttyq geologiialyq qyzmet memlekettik tirkeýden ótti. Bul týraly QR Ekologiia, geologiia jáne tabiǵi resýrstar ministri Serikqali Brekeshev Májiliste ótken geologiia salasyn damytý taqyrybyna arnalǵan dóńgelek ústel barysynda málim etti, dep habarlaidy QazAqparat.
«Qazir Tsifrlyq damý, Indýstriia jáne infraqurylymdyq damý ministrlikterimen birlesip jer qoinaýyn paidalaný salasy boiynsha biryńǵai aqparattyq júie «Kaznedra» platformasyn qurý boiynsha jumys júrip jatyr. Biryńǵai platforma barlyq protsesti bir tereze arqyly investorlarǵa keshendi servistik qoldaý kórsetedi. Búginde atalǵan jobany iske asyrý boiynsha jol kartasy Úkimet qaraýyna engizildi. Sondai-aq, Prezidenttiń tapsyrmasy boiynsha «Qazgeoaqparat» jáne «Qazgeologiia» bazasynda ulttyq geologiialyq qyzmet quryldy», - dedi Serikqali Brekeshev Májilis qabyrǵasynda baiandama jasai otyryp.
Ministrdiń aitýynsha, ulttyq geologiialyq qyzmet 15 maýsymda memlekettik tirkeýden ótti.
«Jalpy geologiia salasyn memlekettik turǵydan retteýde jetekshi elderde (Avstraliia, AQSh, Ulybritaniia, Kanada, Koreia jáne taǵy basqa) ulttyq geologiialyq qyzmet tabysty jumys atqaryp keledi. Atalǵan qyzmeti salaǵa qatysty barlyq aqparattyń ashyq ári qoljetimdi bolýyna múmkindik beredi. Sonymen qatar ulttyq qyzmetti engizý aiasynda mineraldyq resýrstardyń ulttyq derekter bazasyn paidalaný, geologiia salasyna qatysty aqparatty júielep, taldaý arqyly investorlarǵa keshendi servistik qoldaý kórsetpekpiz», - deidi ol.
