Qazaqstanda aralas jekpe-jekti kórsetetin UFC TV jańa telearnasy iske qosyldy, – dep habarlaidy QazAqparat.
«Qazaqstanda UFC TV telearnasynyń iske qosylǵanyn jáne UFC iri týrnirleriniń Qazaqstannyń iri sport telearnasy Qazsport-ta kórsetiletinin habarlamaqpyz. Jalpy, Qazaqstan - álem kartasyndaǵy biregei el sanalady. Bul jerde jaýyngerlik óner men boks barlyq ýaqytta da tanymaldyqqa ári zor qyzyǵýshylyqqa ie. Myqty sportshylary da bar. Sondyqtan UFC úshin Qazaqstan basymdyqqa ie elderdiń biri sanalady», - dedi Ortalyq kommýnikatsiialar qyzmetinde ótken baspasóz máslihatynda UFC vitse-prezidenti Andrei Gromkovskii.
UFC TV telearnasy Ultimate fight championship nemese UFC uiymdastyratyn jekpe-jekterdi kórsetedi. Jalpy, UFC týrnirlerdi bir milliardtan astam turǵyny bar álemniń 166 eline 35 tilde taralady. Endi atalǵan elderdiń qataryna Qazaqstan qosylyp otyr.
