QR Ishki ister ministrligi Erlan Turǵymbaev vedomstvonyń aldaǵy kezeńge arnalǵan mindetterin aiqyndady. Bul týraly QR IIM baspasóz qyzmetiniń ókili Shuǵyla Turlybek aitty, dep habarlaidy QazAqparat.
Onyń atap ótýinshe, ministr aiqyndaǵan mindetterdiń biri jaiaý patrýlderdiń, sonyń ishinde zamanaýi tehnologiialardy paidalana otyryp, politseilerdiń qyzmet atqarýyna tiimdi baqylaýdy uiymdastyrý boldy. Sonymen qatar quqyq buzýshylyqtardyń aldyn alýdy kúsheitý jáne halyq úshin ýchaskelik politsiia inspektorlarynyń qoljetimdiligin qamtamasyz etý basym baǵyt ekendigi aitylǵan.
Osy oraida Ishki ister ministrligi aldaǵy ýaqytta ishki rezerv esebinen ýchaskelik politsiia shtaty ulǵaitylatyndyǵyn aitqan.
«Memleket basshysynyń tapsyrmasyna sáikes ýchaskelik inspektordyń mártebesin arttyrý jáne onyń tiimdi jumys isteýi úshin qajetti ókilettikterin keńeitý boiynsha sharalar qabyldanýda. Aýyldyq jerlerde qyzmettik turǵyn úimen japsarlas ýchaskelik pýnktter salynýda. Óz rezervteri esebinen ýchaskelik politsiia qyzmetiniń shtaty qosymsha ulǵaitylatyn bolady», - dep atap ótken Erlan Turǵymbaev.
