Bilim jáne ǵylym ministri Ashat Aimaǵambetov Qazaqstanda UBT nátijesin esepteý júiesi ózgerýi múmkin ekenin aitty, - dep habarlaidy Tengrinews.kz tilshisi.
Ministr UBT qorytyndysy boiynsha mektepter reitingin ótkizýge tyiym salý týraly sheshim birneshe jyl buryn qabyldanǵanyn atap ótti.
"Sondai-aq mektepter oqýshylardy UBT-ǵa tirkeý jáne ótinishter jinaý mindetinen bosatyldy. Munyń birneshe sebebi boldy. Onyń ishinde, mektep basshylarynyń 10-11 synyp oqýshylaryn test suraqtary boiynsha basqa pánderge ziianyn tigize otyryp, jasandy túrde tartýǵa shekten tys umtylysy, ótinishterdi jinaýda muǵalimderge qosymsha júkteme", - dedi ministr Facebook-paraqshasynda.
Sonymen qatar, úlgerimi nashar oqýshylardy UBT-ǵa qatysýdan shettetý, ákimdikterdiń óńirdiń ortasha upaiyn ártúrli tásilmen kóbeitýge tyrysýy da bolǵan.
"Bul rette UBT-nyń ortasha balynyń ózi diagnostikalyq fýnktsiiany oryndai almady. Tek ortasha baldy bilý paidaly aqparatpen qamtamasyz etilýdi bildirmeidi. Al eger taqyryptar men pánder boiynsha taldaý bolsa, bul basqarýshylyq sheshimderdi qabyldaýǵa múmkindik beredi. Qazir qabyldanǵan sheshim óz rolin atqarǵanyn, pedagogter men mektepterge túsetin júktemeni azaitqanyn kórip otyrmyz. Iaǵni oqýshylar UBT-ǵa elektron formatta óz betinshe ótinish berdi jáne olardy UBT-dan shettetý, sondai-aq tek test arqyly ǵana daiyndaý jáne ákimdikterdiń oblys reitingine yqpal etý áreketteri toqtatyldy. Endi UBT qorytyndysy boiynsha ár mektep, oblys, tipti pán boiynsha taldaý jasap, ony mektepterdiń jumysyn baǵalaý úshin paidalanýǵa sheshim shyǵardyq. Elektron formatqa kóshý endi testileýge taqyryptyq taldaý jasaýǵa múmkindik beredi. Mundai jańalyqty biz naýryz aiyndaǵy UBT kezinde pilottyq rejimde engizdik", - dedi Ashat Aimaǵambetov.
Iaǵni endi túlek testileýdi aiaqtaǵannan keiin jinaǵan upailarynyń nátijesin ǵana emes, sonymen qatar, qandai taqyryptardy biletini jáne qaisysyna kóńil bólý qajet ekeni týraly qosymsha taldaý alady.
"Dál osyndai taldaýdy mektepke de, naqty pánge qatysty da, aýdan, oblys jáne jalpy respýblika kóleminde de jasaimyz. Bul ne beredi? Bul sheshim testileýshilerge qandai taqyryptarǵa nazar aýdarý, qandai taqyryptardy kúsheitý keregin kórýge múmkindik beredi. Iaǵni synaqqa qatysýshylar qazirdiń ózinde ózderiniń álsiz tustaryn anyqtap, jeke taqyryptarǵa kóbirek ýaqyt bólip, qatelermen jumys istei alady. Sonymen qatar muǵalimder de oqýshylardyń qandai taqyryptarda qinalǵanyn kóredi. Mektepti alatyn bolsaq, mysaly, matematika páni muǵaliminiń oqýshylarynyń bir bóligi keibir esepterdi nashar shyǵaratynyn baiqaýǵa bolady. Taldaý sebepterdi anyqtaýǵa septigin tigizedi. Dálirek aitqanda, muǵalimniń ózi túsindirýde qinalatyny ne baǵdarlamada ýaqyt jetkiliksizdigi, oqýlyqtaǵy suraqtar máselesi. Tiisinshe, taldaýǵa bailanysty oqý baǵdarlamalaryn pysyqtaý, muǵalimderdiń maqsatty túrde biliktiligin arttyrý, biliktilikti arttyrý baǵdarlamalaryn ózgertý jáne t.b. boiynsha sheshimder qabyldai alamyz", - deidi ministr.
Aimaǵambetov jazǵy UBT qorytyndysy boiynsha árbir mektep, oblys, muǵalim jáne túlek osyndai taldaý alatynyn atap ótti.
