Búgin elimizdegi eń iri bailanys operatory «Qazaqtelekom» IPTV tehnologiiasy boiynsha qyzmet kórsetetin jańa býynnyń televiziialyq habar taratý qyzmetin usynyp, «TV+» - jańa býynnyń televiziialyq habar taratý qyzmeti tanystyryldy, - dep habarlaidy «Ult aqparat».
Atalǵan joba árbir qazaqstandyq úshin óz úilerindegi efirdi basqarýǵa jáne bir ýaqytta birneshe gadjetten ártúrli baǵdarlamalardy kórýge múmkindik beredi.
«Qazaqtelekom» AQ basqarma tóraǵasy Qýanyshbek Esekeevtiń aitýynsha, elimizde tanymal, interaktivti TV-alańynyń paida bolýy qazaqstandyq kontenttiń damýyna serpin beredi.
«Bizdiń televiziialyq platforma aiasyna «Qazaqstanda jasalǵan» atty keń kólemdi kitaphana qory kiredi. Bul jerde «Qazaqtelekomnyń» «TV+» jobasy úshin arnaiy jasalǵan qazaqstandyq filmder men baǵdarlamalardyń jiyntyǵy qamtylǵan. «Qazaqstanda jasalǵan» kitaphanasynyń turaqty túrde keńeiip turýy úshin barlyq múmkindikti jasaimyz. Yńǵaily jáne tanymal televiziialyq platformany qura otyryp, otandyq akterler, blogerler, jýrnalister men pýblitsisterdiń jobalary úshin turaqty alań usynamyz», - dedi Qýanyshbek Esekeev.
Aita keteiik, «Qazaqtelekomnyń» «TV+» televiziialyq platformasy jańa zamanaýi IPTV/OTT gibridti kesheni negizinde qurylǵan. Bul eki standart - IPTV jáne OTT ózara bólek qoldanǵan kezde de biregei sapaly usynystardyń shoqtyǵyn usynatyn júie. Al olardyń bir alańda toptasýy abonentke ózindik, biregei jáne ońtaily televiziialyq paketti «óz qolymen» qurýǵa múmkindik beretin múldem jańa tehnologiiaǵa ainalady.
Al «Qazaqtelekom» AQ Bólshek biznes bóliminiń bas direktory Igor Pogrebitskiidiń aitýynsha, dástúrli qyzmetterden aiyrmashylyǵy, TV+ birqatar erekshe artyqshylyqtarǵa ie.
«Olardyń bastysy - kórermenniń efirdi óz betinshe basqara alý qabileti: mysaly, ekran aldynan ketý kerek bolsa, beinemagnitofon printsipi sekildi, filmniń basyna nemese artyna ainaldyrý múmkindikteri bolady. Ekinshi mańyzdy artyqshylyǵy - teledidar kórýge bolatyn gadjetti tańdaý múmkindigi: árqashan qolda bolatyn smartfonnan, planshetten nemese Smart TV fýnktsiiasy bar teledidardan kórý múmkindigi bar. Eń bastysy, úide internet bailanysy bolýy kerek jáne osy bir signal kózi úi sharýashylyǵyna ártúrli gadjetterdegi birneshe baǵdarlamany bir ýaqytta kórýge múmkindik beredi», - dedi «Qazaqtelekom» AQ Bólshek biznes bóliminiń bas direktory Igor Pogrebitskii.
Osy oraida QR Aqparat jáne qoǵamdyq damý ministri Aida Balaeva «Qazaqtelekom» AQ-nyń túbegeili jańa televiziialyq platforma qurý jónindegi jańa jobasyna baǵa berdi.
«Jańa televiziialyq platformanyń ashylýy – otandyq media saladaǵy aitýly oqiǵa. Qoǵamǵa sapaly ári ashyq aqparat jetkizý – bizdiń qyzmet salasyndaǵy basty mindetterdiń biri. Sonyń ishinde ásirese, jańa tele-platformanyń memlekettik tilge basymdyq beretini kóńil qýantady. Sondai-aq, jańa bastama – otandyq media salasynyń básekege qabiletin odan ary arttyrýǵa úlken serpin beredi dep senemin», - dedi ministr.
Bul oraida, Aida Balaeva osy jańa jobaǵa bastama kóterip, onyń iske asýyn qamtamasyz etip otyrǵan – «Samruq-Qazyna» Ál-aýqat qory men «Kazaqtelekom» kompaniiasyna alǵysyn aityp, «TV+» jańa teleplatformasy otandyq media naryǵyn damytý katalizatorlarynyń biri ǵana bolyp qalmai, jas talantty avtorlardy elimizde jańa, barynsha sapaly kontent jasaý úshin únemi jumys isteýge yntalandyrady dep senim bildirdi.
Belgili bolǵanyndai, «TV+» jobasy arnanyń teledidarlyq baǵdarlamasyna emes, kórermen qajettiligine sai beiimdeledi. Sonymen qatar, eger paidalanýshynyń teledidary eski úlgi bolsa da, STB pristavkasyn paidalaný arqyly sapaly mazmun tamashalaýǵa bolady. Kórermen beineni qaida qarap otyrsa da, sapa árqashan eń jaqsy deńgeide qalady. Negizgi bette kórermenge reiting kóshbasshylary men prokattaǵy jańa toptamalar kórsetilgen túsinikti ári naqty usynystar paraǵy usynylady. Kontent tańdaý boiynsha usynystar janr boiynsha beriledi jáne yńǵaily navigatsiia men oilastyrylǵan dizainnyń kómegimen ol ózine qyzyǵýshylyq týdyratyn mazmundy ońai tańdap, kóre bastaidy. Taǵy bir artyqshylyq: «TV+» katalogta sońǵy 7 kúndegi teledidar baǵdarlamalarynyń muraǵatyn, sonymen qatar sholý tarihyndaǵy qaralǵan kontentti saqtaidy. Qurylǵyny qosqan kezde júie úzilgen sátte toqtap qalǵan beineni qaita qaraýǵa usynys jasaidy.
Esterińizge sala keteiik, búgin elimizdegi eń iri bailanys operatory «Qazaqtelekom» IPTV tehnologiiasy boiynsha qyzmet kórsetetin jańa býynnyń televiziialyq habar taratý qyzmetin usynyp, «TV+» - jańa býynnyń televiziialyq habar taratý qyzmeti tanystyryldy. Atalǵan joba árbir qazaqstandyq úshin óz úilerindegi efirdi basqarýǵa jáne bir ýaqytta birneshe gadjetten ártúrli baǵdarlamalardy kórýge múmkindik beredi.
