Qazaqstanda tutynýshylardyń quqyǵyn qorǵaityn biryńǵai uiym qurylady. Bul týraly QR Saýda jáne integratsiia ministrligi Tutynýshylar quqyǵyn qorǵaý komitetiniń tóraǵasy Asqar Tynysbekov aitty, dep habarlaidy QazAqparat.
Onyń atap ótýinshe, tutynýshylardyń quqyqtaryn qorǵaý salasyndaǵy quqyqtyq normalardy jetildirý maqsatynda komitet zańnamaǵa ózgeristerdiń 2 -shi toptamasynyń tujyrymdama jobasyn ázirlegen. Qujat osy jyldyń maýsym aiynda Tutynýshylardyń quqyqtaryn qorǵaý jónindegi vedomstvoaralyq keńestiń birinshi otyrysynda talqylanyp, Ashyq NQA portalynda jariia talqylaý úshin ornalastyrylǵan.
«Zańnyń (Tutynýshylar quqyǵyn qorǵaý týraly Zań) 2-shi toptamasy qajetti túzetýlerdi qarastyrady. Atap aitqanda, Tutynýshylardyń quqyqtaryn qorǵaý jónindegi biryńǵai jalpyulttyq kommertsiialyq emes uiymnyń jumys isteýi úshin zańnamalyq negiz qalaý usynylady. Bul elimizdegi barlyq úkimettikemes uiymdardy biriktirip, nyǵaitady. Ekinshiden, tutynýshylardyń quqyǵyn qorǵaý jónindegi ombýdsmen institýtyn engizý josparlanýda. Ol halyq pen qoǵamdyq birlestikterdiń daýysy bolady», - dedi komitet basshysy.
