Memleket basshysy qol qoiǵan «Qazaqstan Respýblikasynyń Ákimshilik quqyq buzýshylyq týraly kodeksine ózgerister men tolyqtyrýlar engizý týraly» Zańynda turǵyndardyń tynyshtyǵyna kedergi keltirgender úshin aiyppul somasy artty, dep habarlaidy "Ult aqparat".
Atap aitqanda, tynyshtyqty buzý jaǵdaiynda jaýapkershilikti kúsheitý qadamdary 437-bapta eskerilgen. Iaǵni jeke tulǵalardyń qalypty demalysy men tynyshtyǵyna kedergi keltiretin, túngi ýaqytta (saǵat 23-ten tańǵy 6-ǵa deiin) tynyshtyqty buzý, onyń ishinde turǵyn úi-jailarda jáne olardyń syrtynda shuǵyl qajettilikpen bailanysy joq shý shyǵaratyn jumystardy júrgizýge bailanysty tiisti jazany qarastyryp otyr.
«...437-bapta: birinshi bóliktiń ekinshi abzatsy mynadai redaktsiiada jazylsyn: «jeke tulǵalarǵa – bes, shaǵyn kəsipkerlik sýbektilerine nemese kommertsiialyq emes uiymdarǵa – jiyrma, orta kəsipkerlik sýbektilerine – otyz, iri kəsipkerlik sýbektilerine bir júz ailyq eseptik kórsetkish mólsherinde aiyppul salýǵa alyp keledi», - delingen Memleket basshysy qol qoiǵan Zańda.
Sonymen qatar, ekinshi bóliktiń ekinshi abzatsy da jańa redaktsiiada (Ákimshilik jaza qoldanylǵannan keiin bir jyl ishinde qaitalap jasalǵan dál sol áreket) jazylǵan.
«Jeke tulǵalarǵa – on, shaǵyn kəsipkerlik sýbek tilerine nemese kommertsiialyq emes uiymdarǵa – qyryq, orta kəsipkerlik sýbektilerine – alpys, iri kəsipkerlik sýbektilerine bir júz elý ailyq eseptik kórsetkish mólsherinde aiyppul salýǵa alyp keledi», - dep atap ótilgen Zań mátininde.
Osylaisha, tynyshtyq buzǵany úshin, onyń ishinde qaitalanyp jasalǵan áreketke jeke tulǵalarǵa aiyppul somasy ózgermegen, al kásipkerlik sýbektilerine shamamen eki esege artqan.
Budan buryn habarlanǵandai, Ákimshilik quqyq buzý týraly kodekske ózgerister engizildi.
