Bizdiń bolashaqtaǵy ulttyq saiasatymyzdyń kontseptsiiasy mynandai bolýy kerek: Qazaqstanda bálenbai ult turady dep qaqsai bergendi qoiyp, «Qazaqstanda bir-aq ult, qazaq halqy ǵana turady. Qalǵandary – ártúrli ýaqytta osynda kelip turaqtap qalǵan diasporalar men etnikalyq toptar ǵana» dep shegelep turyp aityp, ultty uiystyra túsetin saiasat ustana bastaýymyz kerek.
Ult (natsiia) degenimiz ne? Qazaqstanda turatyn qazaǵy bolsyn, orysy bolsyn, kárisi bolsyn - bári bir ult, bir halyq. Jáne ol ult ózara shet tilinde (oryssha) emes, memlekettik tilde – qazaqsha sóilesýi kerek. Memleketshildik dep osyny aitady.
Qazir biz Qazaqstanda turatyn ár diasporany bir-bir ult dep bólip qarap, qazaqty eshqandai huqyqtyq artyqshylyǵy joq, sol kóp diasporanyń biri sekildi etip qoidyq. Mysaly, tatar halqy – Tatarstanda turady. Qazaqstandaǵylaryn diaspora deimiz. Bir halyq qatarynan eki memlekette ómir súre almaidy eshqashan.
Qazaqstan sosyn qanshama halyq turatyn federatsiia ne qurama shtat emes, qazaq deitin bir-aq ult turatyn ýnitarly (birtutas) memleket. Qalǵanynyń bári osy qazaq ultynyń aiasyna toptasyp, ulttyq biryńǵailyqqa umtyla bastaýy tiis. Óz ishimizdegi osy máseleni rettep alǵanda ǵana bizde naǵyz ulttyq órleý (vozrojdenie) bastalady, dostar!
Jolymbet Mákishtiń feisbýktegi jazbasynan
