Qazaqstannyń MMA jáne Aralas jekpe-jeginiń birlesken federatsiialarynyń uiymdastyrýymen elordada IMMAF aralas jekpe-jek óneriniń halyqaralyq federatsiiasynyń direktorlar keńesiniń otyrysy bolyp ótti, dep habarlaidy QazAqparat.
Baspasóz máslihatynda konfederatsiianyń mindeti, MMA jekpe-jegin Ortalyq Aziia men Ázerbaijan elderinde damytý máseleleri, sonymen qatar MMA boiynsha Aziia chempionatyn ótkizý jospary talqylandy. Osylaisha, MMA-dan elordada Aziia chempionatyn 2020 jyldyń maýsym aiynda ótkizý josparlanyp otyr.
IMMAF prezidenti Kerit Braýn Qazaqstannyń MMA federatsiiasy halyqaralyq týrnirlerdi uiymdastyrýǵa belsendi atsalysyp júrgenin atap ótip, IMMAF ókilderi elordada zor qurmetpen kútip alǵany úshin alǵysyn bildirdi.
Al qazaqstandyq sportshylardyń múmkindikterin IMMAF-tyń Aziia aimaǵy boiynsha direktor Visam Abi Nader erekshe atap ótti.
«Qazaq atletteri, olardyń tártibi men fizikalyq daiyndyǵy árdaiym qurmetke laiyq. Mundaǵy sportshylar shynynda da, IMMAF-tyń ózge ókilderi úshin shynaiy úlgi bola alady», - dedi ol.
Otyrystyń qortyndysynda MMA Ortalyq Aziia konfederatsiiasyn ashý qurý týraly jáne Qazaqstan Respýblikasynda 2020 jyly MMA-dan Aziia chempionatyn ótkizý jaily sheshim qabyldandy.
