Foto: Aqorda
Memleket basshysy «Qazaqstan Respýblikasyndaǵy tsifrlandyrýdyń keibir máseleleri týraly» Jarlyqqa qol qoidy, dep habarlaidy Ult.kz.
Jańa qujatqa sáikes, 2026 jylǵy 1 qańtardan bastap memlekettik organdar men kvazimemlekettik sektor sýbektilerine aqparattandyrýdyń jańa obektilerin QazTech «elektrondyq úkimet» aqparattyq-kommýnikatsiialyq platformasynan tys ázirleýge moratorii engiziledi.
Bul sheshim tsifrlyq jobalardy biryńǵai arhitektýra sheńberinde damytýǵa, júielerdiń bytyrańqylyǵyn azaitýǵa jáne biýdjet qarajatyn tiimdi paidalanýǵa baǵyttalǵan.
Sonymen qatar, eger qandai da bir memlekettik organ nemese kvazimemlekettik uiym jańa júieni QazTech platformasynda ázirleýge múmkindik bolmaǵan jaǵdaida, mundai jaǵdai Prezident janyndaǵy Qazaqstan Respýblikasynda tsifrlandyrýdy engizý máseleleri jónindegi komissiianyń qaraýyna shyǵarylady.
Komissiia árbir jobany jeke qarap, onyń qajettiligi men tehnikalyq oryndylyǵyn baǵalaidy.
Bul Jarlyq tsifrlyq ekojúieni ortalyqtandyrý, azamattarǵa kórsetiletin qyzmetterdiń sapasyn arttyrý jáne aqparattyq qaýipsizdikti kúsheitý baǵytyndaǵy mańyzdy qadam retinde baǵalanyp otyr.
