Qazaqstanda koronavirýs infektsiiasynyń taralýyna jol bermeý maqsatynda toi-tomalaq ótkizýge tyiym salyndy. Bul tyiym týraly Prezidenttiń tótenshe jaǵdaidyń jariialanatyny týraly Jarlyǵynda jazylǵan, dep habarlaidy "Ult aqparat".
«Oiyn-saýyq, sporttyq jáne basqa da buqaralyq is-sharalardy, sondai-aq otbasylyq, salt-dástúr is-sharalaryn ótkizýge tyiym salynsyn», - delingen Prezidenttiń Jarlyǵynda.
Aita ketsek búgin Qazaqstan Respýblikasynda tótenshe jaǵdai engizildi. Bul týraly Jarlyqqa QR Prezidenti qol qoidy.
Jarlyqqa sáikes oiyn-saýyq ortalyqtarynyń, kinoteatrlar men teatrlardyń jumysy toqtatylyp, Qazaqstan Respýblikasyna keletin halyqaralyq uiymdar delegatsiialarynyń múshelerin qospaǵanda el aýmaǵyna kóliktiń barlyq túrlerimen kirýge, sondai-aq onyń aýmaǵynan shyǵýǵa shekteýler belgilendi.
