Qazaqstanda tótenshe jaǵdaidyń basy bóligi adam kinásinen oryn alady. Bul týraly QR Tótenshe jaǵdailar ministri Iýrii Ilin aitty, dep habarlaidy QazAqparat.
«Tóteshe jaǵdaidyń basym bóligi mol jaýyn-shashyn túsýine, qardyń jyldam erýine bailanysty keibir tabiǵi qubylystardy qospaǵanda, negizinen adamnyń kinásinen oryn alady. Adami faktor basym. Iaǵni, gidrotehnikalyq qurylystardy, arnalardy durys paidalanbaý, olardyń jumysqa qabiletti ekendigin der ýaqytynda teksermeý, saldaryn joiý úshin naqty sharalar qabyldamaý. Jalpy, Qazaqstanda shamamen 6 myń gidrotehnikalyq qurylys bar. Qoldanystaǵy Sý kodeksine sáikes olarǵa paidalanýshy uiymdar jaýap beredi», - dedi ministr.
Onyń atap ótýinshe, atalǵan nysannyń 5 myńnan astamy memlekettik menshikte bolsa, shamamen 900 nysan jergilikti atqarýshy organdardyń, al shamamen 250 nysan jeke menshik qaramaǵynda.
«Zańnama memlekettik bolsa da, jeke qurylymda bolsa da mundai gidrotehnikalyq qurylystardyń jai-kúiine, durys paidalanylýyna jáne apattyq jaǵdailarǵa jol bermeý sharalaryn qabyldaýyna monitoring júrgizýdi mindetteidi», - dedi Iýrii Ilin.
