Qazaqstannyń qarjy monitoringi agenttigi QIWI-ámiian kómegimen siriialyq sodyrlarǵa demeýshi bolǵan azamatty anyqtady, dep habarlaidy Sputnik Qazaqstan.
Tergeý kórsetkendei, azamat Siriiadaǵy sodyrlardyń sheteldik QIWI-ámiianyna júieli túrde aqsha aýdaryp kelgen.
"Aita keteri, azamattyń kúmándi operatsiialary jaily alǵashqy aqparat QIWI-diń ózinen tústi. Sonyń arqasynda quqyq qorǵaý organdary jedel den qoiyp, terrorizmdi qarjylandyrý shemasyn joidy", - dep málimdedi agenttik.
Mundai elektrondy ámiiandar basqa da qylmystyq shemalarda qoldanylady. Óitkeni qupiialylyq bar.
Máselen, qazaqstandyqtardyń biri áleýmettik jelilerde esirtkini jarnamalap, aqshany tólem terminaldary arqyly alǵan. Satýshy tórt ai ishinde birdei somada 450 aqsha aýdarymyn alyp úlgeripti.
Agenttik Qazaqstanda qarjy operatsiialary týraly derekter jinaý júiesinde tirkelmegen tólem uiymdary bar ekenin atap ótti.
Olar WEB-SFM júiesinde tirkelip, shekti jáne kúmándi operatsiialar jaily agenttikke der kezinde habar berýi qajet.
