Qazaqstanda temirjol kóliginiń qozǵalysy áli ashylmaidy. Bul týraly QR Premer-Ministriniń birinshi orynbasary Eraly Toǵjanov aityp berdi, dep habarlaidy "Ult aqparat".
«Bul kezeńde temirjol kóligindegi qozǵalys múldem qarastyrylmaidy. Tótenshe jaǵdai rejiminiń toqtaǵanyna qaramastan blokposttar áli de saqtalady. Biraq, qala mańynda turatyn, qalada jumys isteitin qyzmetkerler ákimdikter bekitken tizim boiynsha erkin kirip-shyǵa alady», - dep túsindirdi E. Toǵjanov Úkimette ótken onlain brifingte.
Aita keteiik, Memleket basshysy Qasym-Jomart Toqaev búgin Qazaqstandaǵy tótenshe jaǵdai rejimi toqtaǵanyn habarlaǵan edi. Biraq, elimizde karantin rejimi áli de saqtalady.
