Qazaqstanda aktsizderdiń fiskaldyq qyzmeti kúsheietin bolady. Bul týraly Parlament Májilisinde QR Ulttyq ekonomika vitse-ministri Mádi Tákiev málim etti, dep habarlaidy QazAqparat.
«Aktsizderdiń fiskaldyq qyzmeti kúsheietin bolady. 2021 jyldan bastap syraǵa, qyzdyrylatyn temekisi bar buiymdarǵa jáne quramynda suiyqtyqtar bar nikotinge aktsiz mólsherlemeleri kezeń-kezeńimen ulǵaitylatyn bolady», - dedi vitse ministr salyq salýǵa qatysty zań jobasyn tanystyrý barysynda.
Munymen qosa M. Tákiev qymbat turatyn alkogol jáne temeki ónimderine aktsiz mólsherlemeleri artatynyn atap ótti.
Budan buryn habarlanǵandai, Parlament Májilisinde «Qazaqstan Respýblikasynyń keibir zańnamalyq aktilerine salyq salý jáne investitsiialyq ahýaldy jetildirý máseleleri boiynsha ózgerister men tolyqtyrýlar engizý týraly» zań jobasy tanystyryldy.
Qujat aiasynda jeke tulǵalardyń múlki men jerine salynatyn tólemderdi bir salyqqa biriktirý eskerilgen.
Munymen qosa, kólik quraldary salyǵyn tóleý merzimin aýystyrý usynyldy.
