Elimizde innovatsiialar men ǵylymdy damytý úshin innovatsiialyq ekojúie steikholderleriniń kúsh-jigerin biriktirý usynyldy. «Elbasy akademiiasy» korporativtik qorynda ótken onlain-pikirtalas kezinde QR Tsifrlyq damý, innovatsiialar jáne aeroǵarysh ónerkásibi vitse-ministri Azamat Batyrqoja osyndai usynys bildirdi, dep habarlaidy QazAqparat.
Onlain-kezdesýdiń taqyryby – «Qazaqstandaǵy ǵylymdy damytýdyń jańa modeli». Kezdesý «Ózgeristerdi basqarý boiynsha salalyq menedjerlerdi daiarlaý» baǵdarlamasyna qatysýshylardyń usynystaryn naqtylaý maqsatynda uiymdastyrylǵan edi. Oǵan Prezidenttiń kómekshisi-QR Qaýipsizdik Keńesiniń hatshysy Áset Isekeshev, QR Bilim jáne ǵylym ministri Ashat Aimaǵambetov, «Elbasy akademiiasy» korporativtik qorynyń direktory Farhad Qýanǵanov, ózge de ministrlikter men vedomstvolardyń birinshi basshylary jáne ǵylymi qoǵamdastyqtyń ókilderi qatysty.
Azamat Batyrqojanyń aitýynsha, innovatsiia men ǵylymdy tiimdi damytý úshin úzdik otandyq sarapshylardy salalyq tehnologiialyq quzyrettilik ortalyqtarynda toptastyrý qajet.
«Biz eldegi innovatsiialyq ortaǵa taldaý júrgizdik. Innovatsiialyq ári tehnologiialyq damýǵa qajetti zańnamalyq jáne baǵdarlamalyq qujattar qabyldandy, tiisti ókilettik berilgen damý institýttary quryldy. Alaida, bul jetkiliksiz dep oilaimyz. Tehnologiialyq trendterge baǵa berýge quzyretti jáne salalarda tehnologiialyq strategiialardy qalyptastyrýǵa qabiletti úzdik otandyq sarapshylardy biriktiretin tehnologiialyq quzyretterdiń salalyq ortalyqtary qajet. Al tehnologiialyq platformalar barlyq steikholderlerdiń – memleket, biznes, ǵylym, bilim jáne qoǵam ókilderiniń múddelerin úilestirýge jáne kúsh-jigerin biriktirýge múmkindik beredi», - dedi QR Tsifrlyq damý, innovatsiialar jáne aeroǵarysh ónerkásibi vitse-ministri.
Sarapshylardyń paiymynsha, ǵylymdy, tehnologiialardy, innovatsiialardy jáne tehnologiialyq saiasatty qoldaýǵa jaýapty memlekettik organdar men damý institýttary arasyndaǵy úilestirý jumystary nashar. Sondyqtan strategiialyq deńgeide memlekettik tehnologiialyq jáne innovatsiialyq saiasatty ázirleýdi ári iske asyrýdy qamtamasyz etetin biryńǵai organ qajet.
