Qazaqstanda «Táýelsizdiktiń men úshin mańyzy» jobasy bastaldy, dep habarlaidy "Ult aqparat" Aqparat jáne qoǵamdyq damý ministrligine silteme jasap.
Qazaqstan Respýblikasy Táýelsizdiginiń 30 jyldyǵyn merekeleý aiasynda QR Aqparat jáne qoǵamdyq damý ministrligi «Táýelsizdiktiń men úshin mańyzy» jobasyn iske qosyp jatyr. Joba Táýelsizdikti qazaqstandyqtardyń jeke ómir tarihy, sezimderi men estelikteri arqyly ár qyrynan qarastyrý maqsatynda uiymdastyrylýda.
Joba aiasynda elimizdiń turǵyndaryna táýelsiz memlekette turý degen neni bildiretini týraly óz pikirlerimen bólisýge shaqyrylady. Qazaqstandyqtar qazirgi egemendi dáýirdiń arqasynda ózderiniń jetken jetistikteri týraly, ómir tarihtaryn aita alady.
«Táýelsizdik – kez kelgen memlekettiń eń basty qundylyǵy. Jańa ǵasyrdyń basynda biz ata-babalarymyzdyń táýelsizdik týraly ǵasyrlyq armanyn oryndadyq. Sol kezde Qazaqstannyń Tuńǵysh Prezidenti Nursultan Ábishuly Nazarbaev óz halqy úshin tarihi erlik jasady. Qazaqstandyqtar úshin 30 jyl - jai ǵana merekelik kún emes, bul – tabystyń, rýh pen bolashaqqa degen umtylystyń belgisi», - dep atap ótti Aqparat jáne qoǵamdyq damý ministri Aida Balaeva.
Aida Balaeva barlyq qazaqstandyqtardy QR AQDM bastamashylyq etken aýqymdy onlain jobaǵa qatysýǵa shaqyrdy.
Joba qatysýshylaryna Táýelsiz Qazaqstannyń azamaty bolý neni bildiretinin aityp berý usynylady. Olar ózderiniń jeke jetistikteri men jeńisterimen bólise alady, sondai-aq óz eli úshin patriotizm men maqtanysh sezimin sezingen sátterdi eske túsire alady.
Jobaǵa qatysý úshin óz áńgimeńizdi áleýmettik jelilerdegi jeke akkaýntyńyzda #Qazaqstan30 heshtegimen uzaqtyǵy 1 minýttan aspaityn beinejazba formatynda jariialaý qajet. Sondai-aq, beine áńgimeni QR AQDM jobalyq keńsesiniń info@30jyl.kz. elektrondyq mekenjaiyna jiberýge bolady.
Eń áserli ári erekshe oqiǵalar, estelikter respýblika telearnalarynyń efirinde kórstelip, sondai-aq BAQ-ta jariialanady.
Jobanyń barysy 30jyl.kz – Qazaqstan Táýelsizdiginiń 30 jyldyǵyna orai qurylǵan arnaiy saitta qadaǵalanatyn bolady.
