Azamattardyń bul ótinishteri SDTBT-de 190-baby "Alaiaqtyq" jáne 217-baby "Qarjy piramidasyn qurý jáne oǵan basshylyq etý" boiynsha tirkeldi.
"Politsiia qyzmetkerleri qarjy piramidasyn qurýǵa jáne ony basqarýǵa qatysy bar degen kúdikpen úsh megapolis - Almaty, Nur-Sultan, Shymkent jáne Túrkistan oblysynan 25 adamdy ustady. Taǵy da izdeý jariialandy. Olardan kompiýterlik tehnika, jyljymaly jáne jyljymaityn múlik tárkilendi", - dedi politsiiadan.
Jasalǵan qylmystyń aýqymy eskerile otyryp, ishki ister ministri Erlan Turǵymbaevtyń buiryǵymen Túrkistan oblysy PD bazasynda elimizdiń bes óńirinen 30 tergeýshi toby quryldy.
"Topty Túrkistan oblysynyń tájiribeli tergeýshileriniń biri politsiia maiory Altynai Jolymbekova basqardy, ol - tergeý tobynyń quramyndaǵy jalǵyz áiel. Tergeýge jeti arnaiy prokýror da qatysty. Jumysqa tergeý toby men jedel qyzmetkerler, sarapshylar men aýdarmashylar jumyldyryldy. Sotqa deiingi tergeý bir jylǵa jýyq ýaqytqa sozyldy", - dedi quqyq qorǵaý organynda.
Politsiia men prokýrorlar dálelder jinaý boiynsha birshama jumys júrgizdi, onyń ishinde 15 saraptama túri taǵaiyndaldy.
"Tergeý toby 2018 jyldyń aqpanynan bastap 2020 jyldyń tamyzyna deiin salymshylarǵa jarty jyl ishinde kepildi júz paiyz kiris alýǵa ýáde berip, alaiaqtyq jolmen qylmystyq top sengish azamattardan úsh milliard teńgeden astam qarajat alǵanyn anyqtady. Aqsha ózara bóliske túsken. Azamattar piramidaǵa qatysý úshin nesie alyp, úilerin kepilge qoidy.
Sotqa deiingi tergeý barysynda tergeýshiler qylmystyq toptyń uiymdasqan sipatta bolǵanyn, josparly túrde áreket etkenin jáne qatysýshylardyń rólderi naqty bólingenin dáleldei aldy", - dep tolyqtyrdy politsiia.
Politsiia men prokýrorlar nátijesinde 160 myńnan asa betten turatyn kóptomdyq aiyptaý aktisimen qylmystyq isti sotqa jiberdi.
Politsiianyń málimetinshe, kúdiktilerge Qylmystyq kodekstiń úsh baby boiynsha aiyp taǵylǵan: 190-baby "Alaiaqtyq", 217-baby "Qarjy piramidasyn qurý jáne basqarý" jáne 262-baby "Uiymdasqan qylmystyq topty qurý jáne basqarý".
