ازاماتتاردىڭ بۇل ٶتٸنٸشتەرٸ سدتبت-دە 190-بابى "الاياقتىق" جەنە 217-بابى "قارجى پيراميداسىن قۇرۋ جەنە وعان باسشىلىق ەتۋ" بويىنشا تٸركەلدٸ.
"پوليتسييا قىزمەتكەرلەرٸ قارجى پيراميداسىن قۇرۋعا جەنە ونى باسقارۋعا قاتىسى بار دەگەن كٷدٸكپەن ٷش مەگاپوليس - الماتى, نۇر-سۇلتان, شىمكەنت جەنە تٷركٸستان وبلىسىنان 25 ادامدى ۇستادى. تاعى دا ٸزدەۋ جارييالاندى. ولاردان كومپيۋتەرلٸك تەحنيكا, جىلجىمالى جەنە جىلجىمايتىن مٷلٸك تەركٸلەندٸ", - دەدٸ پوليتسييادان.
جاسالعان قىلمىستىڭ اۋقىمى ەسكەرٸلە وتىرىپ, ٸشكٸ ٸستەر مينيسترٸ ەرلان تۇرعىمباەۆتىڭ بۇيرىعىمەن تٷركٸستان وبلىسى پد بازاسىندا ەلٸمٸزدٸڭ بەس ٶڭٸرٸنەن 30 تەرگەۋشٸ توبى قۇرىلدى.
"توپتى تٷركٸستان وبلىسىنىڭ تەجٸريبەلٸ تەرگەۋشٸلەرٸنٸڭ بٸرٸ پوليتسييا مايورى التىناي جولىمبەكوۆا باسقاردى, ول - تەرگەۋ توبىنىڭ قۇرامىنداعى جالعىز ەيەل. تەرگەۋگە جەتٸ ارنايى پروكۋرور دا قاتىستى. جۇمىسقا تەرگەۋ توبى مەن جەدەل قىزمەتكەرلەر, ساراپشىلار مەن اۋدارماشىلار جۇمىلدىرىلدى. سوتقا دەيٸنگٸ تەرگەۋ بٸر جىلعا جۋىق ۋاقىتقا سوزىلدى", - دەدٸ قۇقىق قورعاۋ ورگانىندا.
پوليتسييا مەن پروكۋرورلار دەلەلدەر جيناۋ بويىنشا بٸرشاما جۇمىس جٷرگٸزدٸ, ونىڭ ٸشٸندە 15 ساراپتاما تٷرٸ تاعايىندالدى.
"تەرگەۋ توبى 2018 جىلدىڭ اقپانىنان باستاپ 2020 جىلدىڭ تامىزىنا دەيٸن سالىمشىلارعا جارتى جىل ٸشٸندە كەپٸلدٸ جٷز پايىز كٸرٸس الۋعا ۋەدە بەرٸپ, الاياقتىق جولمەن قىلمىستىق توپ سەنگٸش ازاماتتاردان ٷش ميلليارد تەڭگەدەن استام قاراجات العانىن انىقتادى. اقشا ٶزارا بٶلٸسكە تٷسكەن. ازاماتتار پيراميداعا قاتىسۋ ٷشٸن نەسيە الىپ, ٷيلەرٸن كەپٸلگە قويدى.
سوتقا دەيٸنگٸ تەرگەۋ بارىسىندا تەرگەۋشٸلەر قىلمىستىق توپتىڭ ۇيىمداسقان سيپاتتا بولعانىن, جوسپارلى تٷردە ەرەكەت ەتكەنٸن جەنە قاتىسۋشىلاردىڭ رٶلدەرٸ ناقتى بٶلٸنگەنٸن دەلەلدەي الدى", - دەپ تولىقتىردى پوليتسييا.
پوليتسييا مەن پروكۋرورلار نەتيجەسٸندە 160 مىڭنان اسا بەتتەن تۇراتىن كٶپتومدىق ايىپتاۋ اكتٸسٸمەن قىلمىستىق ٸستٸ سوتقا جٸبەردٸ.
پوليتسييانىڭ مەلٸمەتٸنشە, كٷدٸكتٸلەرگە قىلمىستىق كودەكستٸڭ ٷش بابى بويىنشا ايىپ تاعىلعان: 190-بابى "الاياقتىق", 217-بابى "قارجى پيراميداسىن قۇرۋ جەنە باسقارۋ" جەنە 262-بابى "ۇيىمداسقان قىلمىستىق توپتى قۇرۋ جەنە باسقارۋ".
